(ក្រចេះ) ៖ សមត្ថកិច្ចស្រុកស្នួលបង្ក្រាបបានឈើក្រញូងដែលក្រុមឈ្មួញបំរុងនាំឆ្លងដែនទៅលក់នៅប្រទេសវៀតណាមតាមច្រកងាំ៦២ដែលស្ថិតនៅក្នុងឃុំក្រញូងសែនជ័យស្រុកស្នួលខេត្តក្រចេះនៅល្ងាចថ្ងៃទី ២៩ ខែមិថុនាឆ្នាំ ២០២២។

នៅក្នុងប្រតិបត្តិការនោះកម្លាំងសមត្ថកិច្វបានឆ្មក់ទៅបង្ក្រាបរថយន្តនិងរម៉កដឹកឈើប្រណិតទាំងនោះដែលក្រុមឈ្មួញបានរៀបចំដាក់ចេញពីឃ្លាំងមួយកន្លែងស្ថិតនៅក្នុងផ្លូវច្រកភីធីវ៉ាយទៅប្រទេសវៀតណាមតាមច្រករបៀងងាំ៦២។

សមត្ថកិច្ចបានឲ្យដឹងថារថយន្តសាំយ៉ុងមួយគ្រឿងត្រូវបានបើករត់គេចគណះគេដឹងខ្លួនទាន់បម្សល់ទុករម៉កដែលមានផ្ទុកឈើក្រញ៉ូងនិងឈើគគីរពីសន្លឹកដែលមានមុខកាត់ធំ ។
បើតាមប្រភពពីសមត្ថកិច្ចនៅស្រុកស្នួលបានបញ្ជាក់ឱ្យដឹងថាច្រករបៀងងាំ៦២ដែលស្ថិតនៅក្នុងការគ្រប់គ្រងរបស់មន្ត្រីប៉ុស្ដិ៍ព្រំដែននិងមន្ត្រីចម្រុះដែលប្រចាំការនៅច្រកងាំមួយនេះគឺតែងបើកដៃឲ្យមានការដឹកជញ្ជូនឈើតាមម៉ូតូជាច្រើនគ្រឿងនិងរថយន្តសាំយ៉ុងរថយន្តហាយលិនដឺឬក៏រថយន្តឡង់គ្រីស័រជាដើម។

ហើយរាល់ការចរាចរឈើទៅប្រទេសវៀតណាមបាននៅតំបន់នោះគឺមានមនុស្ស ពីបី នាក់ដែលជាមេក្លោងនិងអ្នកចាត់ចែងរៀបចំនិងការត់ការដើម្បីឱ្យមានការចរាចរទៅបានយ៉ាងរលូន។
មនុស្ស ពីបី នាក់ដែលគេដឹងថា មានឈ្មោះតាវី ដែលជាជនជាតិវៀតណាមគឺជាមេឈ្មួញដុះស្លែដែលប្រចាំក្នុងការទិញឈើប្រណិតពីរថយន្តគ្រប់ប្រភេទដែលដឹកមកពីខាងខេត្តស្ទឹងត្រែងឬក៏ខេត្តមណ្ឌលគីរីដើម្បីស្តុកទុកនៅឃ្លាំងផ្ទះរបស់ខ្លួននៅច្រកផ្លូវភីធីវ៉ាយដើម្បីនាំចេញទៅប្រទេសវៀតណាមតាមច្រករបៀងខាងលើ។

ក្នុងនោះក៏មានមនុស្សចំណិតរបស់ តាវី គឺលោកខឿនដែលជាមន្ត្រីយោធាប្រចាំទិសនៅច្រកងាំ62 នោះជាអ្នកផ្ដល់ប្រឹក្សានិងរៀបចំផែនការនៅក្នុងការដឹកជញ្ជូននាំឈើឆ្លងដែនទៅមកដោយរលូន។

ពីព្រោះមនុស្សពីរបីនាក់នេះគឺជាអ្នកដែលពិសេសនៅក្នុងការទាញនាំឈ្មួញមកពីប្រទេសវៀតណាមបោះទុនសម្រាប់ការទទួលបញ្ជាទិញឈើពីតំបន់ផ្សេងៗនិងនាំឆ្លងដែនចេញចូលទៅដោយសេរី។

ជាក់ស្ដែងនៅល្ងាចថ្ងៃទី 29 នេះសមត្ថកិច្ចបានឃ្លាំមើលនិងឈានទៅបង្ក្រាបបានរម៉កមួយគ្រឿងខណៈដែលរថយន្តចជាច្រើនផ្សេងទៀតបានរត់គេចបាត់។
ហើយនៅក្នុងខណៈដែរសមត្ថកិច្ចបង្ក្រាបគឺមានឈ្មួញឈ្មោះតាវីដែលជាជនជាតិវៀតណាមនោះចេញមកសម្របសម្រួលនិងសុំចរចាដើម្បីកុំឲ្យសមត្ថកិច្ចធ្វើការរឹបអូសយកឈើប្រណីតទាំងនោះ។

តែយ៉ាងណាក៏ដោយសមត្ថកិច្ចក៏បានរឹបអូសយកមធ្យោបាយដឹកជញ្ជូននិងឈើទាំងនោះទៅរក្សាទុកនៅសង្កាត់រដ្ឋបាលព្រៃឈើស្រុកស្នួលដើម្បីកសាងសំណុំរឿងដើម្បីចាត់ការតាមនីតិវិធីច្បាប់៕