លោក មឿន រស្មី ចាងហ្វាងសារព័ត៌មាន រស្មីញ៉ូ នាំយកថវិកាសមាគម អ្នកសារព័ត៌មាន ជាង១លានរៀលចូលរួមរំលែកទុក្ខគ្រួសារសពលោក សូ ចាន់វុត្ថា អតីត:តួនាទីនិពន្ធនាយករង គេហទំព័រ រស្មីញ៉ូ
ភ្នំពេញ÷នៅព្រឹក ថ្ងៃទី ២៩ ខែមិថុនា ឆ្នាំ២០២២ លោក មឿនរស្មីចាងហ្វាងសារព័ត៌មាន រស្មីញ៉ូ នាំយកថវិកាសមាគម អ្នកសារព័ត៌មាន ជាង១លានរៀលចូលរួមរំលែកទុក្ខគ្រួសារសពលោក សូ ចាន់វុត្ថា ដែល ជានិពន្ធនាយករង គេហទំព័រ រស្មីញ៉ូ
ដែលបានទទួលមរណៈភាពកាលពីថ្ងៃទី២៣ ខែមិថុនា ឆ្នាំ២០២២ ដោយជំងឺលើសឈាម ត្រូវធ្វើបុណ្យ នៅគេហដ្ឋានរបស់សព ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
ក្រុមការងាររបស់អង្គភាព គេហទំព័រ រស្មី ញ៉ូ
https://www.rmn.asia
បាននាំយកនូវថវិកាមួយចំនួនជូនក្រុមគ្រួសារសពដើម្បីចូលរួមរំលែកទុក្ខនិងគោរពវិញ្ញាណក្ខន្ធ នៅថ្ងៃបុណ្យ ៧ថ្ងៃរបស់សពលោក សូ ចាន់វត្តា ដែលបានទទួលមរណភាព។
ថវិការចូលរួមមានរាយនាម÷
១.លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានបរិច្ចាគថវិកាផ្ទាល់ខ្លួនចំនួន៤០០០០០រៀល(សែសិបមុឺនរៀល)
២.លោកបណ្ឌិត ម៉េង សោភណ្ឌ័
ប្រធានសមាគមអ្នកសារព័ត៌មានអេឡិចត្រូនិកមាន អឹម អេស ជេ MSJ ចំនួន ២០០.០០០ រៀល(ម្ភៃមុឺនរៀល)
៣ លោក មឿនរស្មីចាងហ្វាងសារព័ត៌មាន រស្មីញ៉ូនិងសហការីសហកានីក្នុងអង្គភាពនឹងអង្គភាពផ្សេងៗទៀតចំនួន ៥០០០០០ រៀល(ហាសិបមុឺនរៀល)ដើម្បីចូលរួមរំលែកទុក្ខគ្រួសារសព។
បេីយោងតាមលោក មឿន រស្មី ចាងហ្វាងគេហទំព័រ រស្មី ញ៉ូ បានបញ្ជាក់ថា÷ថវិកាទាំងអស់នេះគឺបានមកពីការបរិច្ចាគដោយស្ម័គ្រចិត្ត ប្រកបដោយទឹកចិត្តសប្បុរសធម៌ របស់ លោកនាយឧត្តមសេនីយ៍ លោក លោកស្រី ដែលជានិពន្ធនាយក និពន្ធនាយករង អ្នកសារព័ត៌មាន ព្រមទាំងប្រធានសមាគមអ្នកសារព័ត៌មាន MSJ ក្នុងការចូលរួមចែករំលែកទុក្ខលំបាកគ្នាទៅវិញទៅមក។
ព្រមជាមួយគ្នានោះ ក្រុមការងារ បានពាំនាំនូវការផ្តាំផ្ញើសាកសួរសុខទុក្ខ ពីសំណាក់លោក ឧត្តមសេនីយ៍ឯក រ័ត្ន ស្រ៊ាង ជូនចំពោះក្រុមគ្រួសារសពផងដែរ។
តំណាងគ្រួសារសពក៏បានថ្លែងអំណរអរគុណយ៉ាងជ្រាលជ្រៅ ចំពោះទឹកចិត្ត និងការលះបង់ របស់ លោកឧត្តមសេនីយ៍ឯក មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ ។
បានបួងសួងដល់វត្ថុស័ក្តិសិទ្ធ ក្នុងលោក តាមជួយបីបាច់ថែរក្សា ប្រោសព្រំប្រសិទ្ធិពរជ័យ ជូនដល់ លោកនាយឧត្តមសេនីយ៍ លោក លោកស្រី និពន្ធនាយក និពន្ធនាយករងអ្នកសារព័ត៌មានក្នុងអង្គភាពគេហទំព័រ រស្មី News ព្រមទាំងប្រធានសមាគមអ្នកសារព័ត៌មានMSJ ។
លោក មឿន រស្មី សូមជួបពរ ឯកឧត្តមលោកជំទាវលោកលោកស្រី ឲ្យជួប ប្រទះតែសេចក្តីសុខ សេចក្តីចម្រើន ព្រមជាមួយពុទ្ធពរ ទាំង ៥ប្រការ គឺអាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ។
លោក មឿន រស្មី បាន ចូលរួមសម្ដែងការសោកស្ដាយមរណៈទុក្ខ យ៉ាងក្រៀមក្រំ ថា ក្នុងនាម«យើងខ្ញុំទាំងអស់គ្នា សូមចងចាំនូវគំរូវីរភាព និងស្នាដៃដ៏ឧត្តុងឧត្តមរបស់លោក សូ ចាន់វុត្ថា ក្នុងការចូលរួមចំណែកអភិវឌ្ឍន៍វិស័យព័តមាន ពីប្រជាជន ជូនរាជរដ្ឋាភិបាល ពី រដ្ឋាភិបាល មកប្រជាជន ក៏ដូចជាសេដ្ឋកិច្ចជាតិ និងសូមចូលរួមរំលែកទុក្ខដោយក្តីអាឡោះអាល័យបំផុតជាមួយក្រុមគ្រួសារ សូមវិញ្ញាណក្ខន្ធ លោក សូ ចាន់វុត្ថា ឲ្យបានទៅចាប់បដិសន្ធិក្នុងសុគតិភព កុំបីឃ្លាងឃ្លៀតឡើយ»៕ 
