វរសេនាតូចនគរបាលការពារព្រំដែនគោកលេខ៨១៥ កម្លាំងប៉ុស្តិ៍សង្កែ កម្លាំងយោធាកងពល៥១ ទប់ស្កាត់ប្រជាពលរដ្ឋបម្រុងលួចឆ្លងដែនខុសច្បាប់ទៅប្រទេសថៃចំនួន ០៧នាក់
គោរព និងអនុវត្តន៍ យ៉ាងម៉ឹងម៉ាត់តាមបទបញ្ជា លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក្រោមការដឹកនាំបញ្ជាដោយផ្ទាល់របស់ លោកវរសេនីយ៍ឯក សួង សៅ មេបញ្ជាការវរសេនាតូចនគរបាលការពារព្រំដែនគោកលេខ៨១៥។
ថ្ងៃអង្គារ ១៤រោច ខែជេស្ឋ ឆ្នាំខាល ចត្វាស័ក ព.ស២៥៦៦ ត្រូវនិង ថ្ងៃទី២៨ ខែមិថុនា ឆ្នាំ២០២២ វេលាម៉ោង ១១:៣០នាទី កម្លាំងប៉ុស្តិ៍សង្កែចំនួន ០៣នាក់ ដឹកនាំដោយលោកវ/ត្រី ឡុក ធី នាយប៉ុស្តិ៍ សហការជាមួយ កម្លាំងយោធាកងពល៥១ បានទប់ស្កាត់ប្រជាពលរដ្ឋបម្រុងលួចឆ្លងដែនខុសច្បាប់ទៅប្រទេសថៃចំនួន ០៧នាក់ (ស្រី០១នាក់ កុមារ០២នាក់) នៅចំណុចគោលដៅចំការក្រូចឆ្មារ ពួកគាត់មានទីលំនៅក្នុងខេត្តបន្ទាយមានជ័យ បន្ទាប់ពីធ្វើការសួរនាំ និងធ្វើកិច្ចសន្យារួច កម្លាំងប៉ុស្តិ៍សង្កែចំនួន ០៣នាក់ ដឹកនាំដោយលោកវ/ត្រី ឡុក ធី នាយប៉ុស្តិ៍ សហការជាមួយ កម្លាំងយោធាកងពល៥១ បានប្រគល់ពួកគាត់ទៅផ្នែកជំនាញរបស់អធិការដ្ឋាននគរបាលស្រុកម៉ាឡៃ ដើម្បីចាត់វិធានការបន្តតាមនិតិវិធីច្បាប់ ។
