ព្រៃវែង ÷ ប្រភពពីប្រជាពលរដ្ឋរស់នៅ ភូមិតងឡង ឃុំព្រៃខ្លា ស្រុកស្វាយអន្ទរ បានបញ្ជាក់ឲ្យ រស្មីឯករាជ្យ ដឹងថា ល្បែងភ្នាល់បញ្ជាល់មាន់តាមប្រពន្ធ័ទូរទស្សន៍អនឡាញ កំពុងបេីកលេង យ៉ាងពពាក់ពពូនរាល់ថ្ងៃ គ្មានលោកមេប៉ុស្តិ៍នគរបាលឃុំព្រៃខ្លា ចាត់វិធានការចុះបង្ក្រាប សម្ងំទទួលផលប្រយោជន៍ ពីម្ចាស់ទីតាំងយ៉ាងសុខស្រួលបំផុត។
ហេតុនេះ លោកព្រុំ សន្ធរ ស្នងការដ្ឋាននគរបាលខេត្តព្រៃវែង មិនគួរមីលរំលងភាពអសកម្មចំពោះ លោក អ៊ុង ផាន អធិការដ្ឋាននគរបាលស្រុកស្វាយអន្ទរ និងលោកមេប៉ុស្តិ៍នគរបាលឃុំព្រៃខ្លា តទៀតឡើយ ព្រោះបណ្តែតបណ្តោយ ឲ្យមានល្បែងបញ្ជាល់មាន់លេងតាមអនឡាញ ជាច្រើនកន្លែង ក្នុងទឹកដីស្រុកស្វាយអន្ទរ បានយ៉ាងរលូន។
មជ្ឈដ្ឋានខាងក្រៅ.!និងពលរដ្ឋ ក្នុងភូមិតងឡង ឃុំព្រៃខ្លា ស្រុកស្វាយអន្ទរ បានរិះគន់ចំពោះសមត្ថកិច្ចថ្នាក់ឃុំ សមត្ថកិច្ចថ្នាក់ស្រុក និងអាជ្ញាធរមូលដ្ឋាន មិនទាន់ចាត់វិធានការបង្ក្រាបល្បែងបញ្ជាល់មាន់តាមអនឡាញឲ្យមានប្រសិទ្ធភាព ស្របតាមគោលនយោបាយភូមិឃុំមានសុវត្ថិភាព៧ចំណុច ដែលដាក់ចេញដោយក្រសួងមហាផ្ទៃ នោះទេ។
ប្រជាពលពលរដ្ឋ រស់នៅភូមិតងឡង ឃុំព្រៃខ្លា សំណូមពរដល់ លោក ជា សុ មេ ធី អភិបាលខេត្តព្រៃវែង និងលោកព្រំ សន្ធរ ស្នងការដ្ឋាននគរបាលខេត្តព្រៃវែង ចាត់មន្ត្រីក្រោមឪវាទចុះត្រួតពិនិត្យទីតាំងបញ្ជាល់មាន់តាមអនឡាញ តាមខ្នងផ្ទះច្រេីនកន្លែង ក្នុងទឹកដីស្រុកស្វាយអន្ទរជាបន្ទាន់ ដេីម្បីបង្រឹងសន្តិសុខសង្គម៕
