កិច្ចប្រជុំគណៈអភិបាលខណ្ឌដូនពេញ ប្រចាំខែមិថុនា ឆ្នាំ២០២២

(ភ្នំពេញ)៖ ៖ នៅព្រឹកថ្ងៃសុក្រ ១០រោច ខែជេស្ឋ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២៤ ខែមិថុនា ឆ្នាំ២០២២ វេលាម៉ោង ០៨:៣០នាទី រដ្ឋបាលខណ្ឌដូនពេញ បានបេីកកិច្ចប្រជុំគណៈអភិបាលខណ្ឌដូនពេញ ប្រចាំខែមិថុនា ឆ្នាំ២០២២ ក្រោមអធិបតីភាព លោក សុខ ពេញវុធ អភិបាល នៃគណៈអភិបាលខណ្ឌដូនពេញ។

កិច្ចប្រជុំនេះមានការអញ្ជើញចូលរួមពី លោក- លោកស្រីអភិបាលរង, គណៈនាយករដ្ឋបាល, លោក ប្រធានការិយាល័យទាំង១១, លោក-លោកស្រីចៅសង្កាត់ទាំង១១, លោក-លោកស្រីប្រធានទីរួមផ្សារទាំង៣ ក្នុងរបៀបវារៈ រួបមាន៖
១- ការងារសណ្ដាប់ធ្នាប់សាធារណៈ និងអនាម័យបរិស្ថាន ក្នុងមូលដ្ឋានខណ្ឌដូនពេញ
ក/ការងាររៀបចំសណ្តាប់ធ្នាប់តាមដងផ្លូវ និងការប្រើប្រាស់ចិញ្ចើមផ្លូវសាធារណៈទាំងអស់ ក្នុងភូមិសាស្រ្តខណ្ឌ
ខ/ការងាររៀបចំសណ្តាប់ធ្នាប់ អនាម័យ បរិស្ថាន តាមសួនច្បារសាធារណៈ និងរមណីយដ្ឋាននានាក្នុងភូមិសាស្រ្តខណ្ឌ។
២-ការងារអភិវឌ្ឍន៍មូលដ្ឋាន
ក/ការងារជួសជុលផ្លូវសំបុកមាន់
ខ/បញ្ហាលូស្ទះ និងបែកបាក់
គ/ការពិនិត្យដើមឈើដុះស៊ុបទ្រុបបាំងស្លាកសញ្ញាចរាចរណ៍ និងបាត់បង់សោភ័ណ្ឌភាពទីក្រុង។
៣-ការងារច្រកចេញ-ចូលតែមួយខណ្ឌដូនពេញ
៤-ការងារគ្រប់គ្រងសំណង់ និងផ្ទះសម្បែង ក្នុងមូលដ្ឋានខណ្ឌ
៥-ត្រួតពិនិត្យកំណត់ហេតុប្រជុំសាមញ្ញលើកទី ៣៦ របស់ក្រុមប្រឹក្សាខណ្ឌដូនពេញ អាណត្តិទី ៣ ឆ្នាំ ២០២២។
៦-ឆ្លងរបាយការណ៍ប្រចាំខែមិថុនា ស្ដីពីការអនុវត្តការងាររបស់រដ្ឋបាលខណ្ឌដូនពេញ។
៧-ត្រួតពិនិត្យប្រាក់រង្វាន់លើកទឹកចិត្តដែលបានមកពីការផ្ដល់សេវារដ្ឋបាលសម្រាប់ឧបត្ថម្ភជូនមន្ត្រី បុគ្គលិកនៃរដ្ឋបាលខណ្ឌដូនពេញសម្រាប់ខែមិថុនា ឆ្នាំ២០២២។
៨-ការងារផ្សេងៗ
ក/ការងារមន្រ្តី
ខ/ការងារត្រៀមប្រកាសសមាសភាពក្រុមប្រឹក្សាសង្កាត់ អាណត្តិទី៥ នាពេលខាងមុខ។