ដាក់ស្លាកសញ្ញាហាមចូលគ្រាន់លម្អតែរថយន្តប្រភេទខ្នាតយក្យធំៗនៅតែបន្តចូលក្នុងក្រុងសំរោងបានដដែល
(ឧត្តរមានជ័យ)ដាក់ស្លាកសញ្ញាហាមចូលគ្រាន់លម្អក្រុងតែនៅមានរថយន្តធំៗជាច្រើនគ្រឿងបន្តចេញចូលដឹកទំនិញឆ្លងកាត់និងចូលក្នុងក្រុងសំរោងបានយ៉ាងរលូនដដែលដោយពុំដែលឃើញមានមន្ត្រីជំនាញពាក់ព័ន្ធចុះធ្វើការណែនាំម្តងណានោះទេ។
លោក អ៊ុន សុភ័ក្រ អភិបាលក្រុងសំរោងបានបញ្ជាក់ឲ្យដឹងនៅនៅល្ងាចថ្ងៃទី១៩ខែឧសភាឆ្នាំ២០២២វេលាម៉ោង១៤និង៣៩នាទីថា ចំពោះការដាក់ស្លាកសញ្ញាហាមរថយន្តដឹកទំនិញឆ្លងកាត់ចូលក្នុងក្រុងសំរោងនេះ ចំពោះរថយន្តដែលនៅតែបន្តចូលគឺជាកាតាព្វកិច្ចរបស់មន្ទីរសាធារណការនិងដឹកជញ្ជូនខេត្ត ។លោកបានបន្តថាដោយឡែកការទប់ស្កាត់និងណែនាំធ្វើការអប់រំរឺក៏ពិន័យយ៉ាងណានោះទាល់តែមានការសហការពីមន្ទីរទើបខាងអាជ្ញាធរក្រុងសហការចុះអនុវត្តន៏ជាក់ស្តែងផ្ទាល់តែម្តង។
ជាមួយគ្នានេះដែរពាក់ព័ន្ធទៅនឹងការដាក់ស្លាកសញ្ញាហាមចូលរថយន្តដឹកទំនិញគ្រប់ប្រភេទឆ្លងនៅត្រង់ចំណុចផ្លូវមួយចំនួនដូចជា ផ្លូវចូលពីរង្វង់មូលដៃប្រាំបីនិងរង្វង់មូលជ័យវរ្ម័នទី៧គឺមានចំនួនពីកន្លែងនេះអ្នកពត៌មានយើងបានព្យាយាមទាក់ទងខលទូរស័ព្ទទៅលោក ឈឿង ផល្លាង ប្រធានមន្ទីរសាធារណការនិងដឹកជញ្ជូនខេត្តឧត្តរមានជ័យតាំងថ្ងៃទី១៨ខែឧសភាឆ្នាំ២០២២កាលពីម្សិលមិញនេះតើចំណាត់ការរឺវិធានការណាមួយមកលើក្រុមហ៊ុនឡានដឹកទំនិញទាំងនោះពីព្រោះទូរស័ព្ទចូលហើយពុំមានអ្នកទទួលដើម្បីកុំឲ្យខូតខាតផ្លូវដែលជាការចំណាយរបស់ថវិការជាតិប្រចាំឆ្នាំទំលាក់មកឲ្យមន្ទីរសាធារណការនិងដឹកជញ្ជូនខេត្តអស់រាប់សិបលានដុល្លារសម្រាប់ធ្វើការស្ថាបនាជួសជុលផ្លូវថ្នល់ក្នុងមួយៗឆ្នាំ។
សូមជម្រាបថា បើតាមប្រភពពីបងប្អូនប្រជាពលរដ្ឋធំរស់នៅក្រុងសំរោង បានលួចបង្ហើបប្រាប់តៗគ្នាថា ចំពោះរថយន្តធំៗដឹកទំនិញ ដូចជាដឹក ស្រូវចេញចូលពីរោងម៉ាសុីនមួយកន្លែងដ៏ធំជាងគេក្នុងខេត្តចេញពីត្រង់ចំណុចជិតផ្សារសំរោងរាប់សិបឡាន ហើយក៏ឡានដឹកគ្រឿងសំណង់ ដឹកជី ដឹកឥវ៉ាន់ចាប់ហួយគ្រប់ប្រភេទជាដើម ដែលចូលមកទំលាក់ដាក់មុខទំនិញនៅក្នុងក្រុងសំរោងនេះបើនិយាយរួមទៅរាប់សិបខែឆ្នាំមកហើយដែរគឺពុំដែលមានការណែនាំពីអាជ្ញាធរនោះទេ។
