ខេត្តបាត់ដំបង ៖ ប្រជាពលរដ្ឋបើកត្រាក់ទ័រភ្ជួរដីចំការប្រទះឃើញគ្រាប់ម៉ីនតោនមិនទាន់ផ្ទុះចំនួន១គ្រាប់ រាយការណ៍ជូនសមត្ថកិច្ច នៅវេលាម៉ោង១៦និង៣០នាទីថ្ងៃទី៣ ខែឧសភា ឆ្នាំ២០១៧នៅចំណុចភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង ។
លោក អនុសេនីយ៍ឯក សៀក សានិត មន្ត្រីអាវុធហត្ថស្រុកកំរៀងបានប្រាប់ថា ៖ ប្រជាពលរដ្ឋ ដែលបានប្រទះ ឃើញគ្រាប់ម៉ីនតោនខាងលើមានឈ្មោះ យ៉យ យុត្ត ភេទប្រុស អាយុ៥២ឆ្នាំ មុខរបរជាកសិករ រស់នៅចំណុចភូមិឃុំខាងលើបានបើកត្រាក់ទ័រភ្ជួរដីចាការ ខ្លួនឯងក៏ប្រទះឃើញ គ្រាប់មីនតោនមិនទាន់ផ្ទុះចំនួន១គ្រាប់តែម្តង។
បច្ចុប្បន្ន ៖ គ្រាប់ម៉ីនតោនមិនទាន់ផ្ទុះខាងលើត្រូវបានអាជ្ញាធរមូលដ្ឋាន រួមនិងសមត្ថកិច្ចពាក់ព័ន្ធ បានធ្វើការប្រគល់ទៅអោយអង្គភាពកំចាត់មីន ហេឡូត្រាស ដើម្បីធ្វើការដុតកំទេចចោល៕
