បន្ទាយមានជ័យ ៖ លោកជំទាវ ម៉ៅ ម៉ាល័យ កែ កឹមយ៉ាន សម្ពោធសាលា១ខ្នងមាន៥បន្ទប់ ចំណាយថវិកាអស់ជាង១០០.០០០ដុល្លា ដែលបានមកពីការចូលរួមរបស់សប្បុរសជន ដើម្បីឲ្យកូនចៅពលរដ្ឋរៀននៅជិតផ្ទះ ។
ពិធីសម្ពោធមានការចូលរួមពីថ្នាក់ដឹកនាំខេត្តបន្ទាយមានជ័យ និងសិស្ស លោកគ្រូ និងប្រជាពលរដ្ឋជាច្រើននាក់ កាលថ្ងៃទី៣ ខែឧសភា ឆ្នាំ២០១៧ ស្ថិតនៅក្នុងភូមិចែ ឃុំទ្រាស ស្រុកស្វាយចែក ខេត្តបន្ទាយមានជ័យ ។
លោក អិន សូល បានបញ្ជាក់ទៀតថា ដោយសារក្មេងៗនៅក្នុងភូមិនេះមានផលវិបាក ក្នុងការរៀនសូត្រខ្លាំង ពេកអ្នកភូមិទាំងអស់ក៏បានសំណូមពរដល់លោកជំទាវ ម៉ៅ ម៉ាល័យ កែ គឹមយ៉ាន ឲ្យជួយកសាងសាលា១ខ្នង នៅក្នុងភូមិចែងនេះ ដើម្បីសំរួលការរៀនសូរបស់ក្មេងៗ នៅក្នុងភូមិនេះ ។ ដោយសារមើលឃើញអំពីទុក្ខលំបាករបស់សិស្សក្នុងភូមិនេះ លោកជំទាវក៏បានសន្យាថា នឹងជួយកសាងសាលា១ខ្នងមាន ៥ បន្ទប់ ដែលជាថវិកា របស់លោកជំទាវផ្ទាល់ ។
លោក អិន សូល បានបញ្ជាក់ទៀតថា ដោយមានការយកចិត្តទុកដាក់ខ្លាំងធ្វើឲ្យសាលា១ខ្នងនេះ មានការសាងសង់ភ្លាមៗ កសាងតែរយៈពេលកន្លះឆ្នាំ ធ្វើរួចរាល់ជាស្ថាបពកសាងនៅលើដីសហគមន៍ មានបណ្តោយទំហំផ្ទៃដី៧០ម៉ែត្រ គុណទទឹង៥២ ម៉ែត្រ ចំណាយអស់ថវិកាចំនួនជាង១០០.០០០ដុល្លា ។ ក្នុងនោះ ក៏បានចាក់ដីបំពេញទីធ្លា ចាក់ដីធ្វើផ្លូវ និងធ្វើរបងជុំវិញសាលាជាដើម ។
លោក អិន សូល បញ្ជាក់ទៀតថា សាលានេះ ក្រោយពីធ្វើរួចរាល់ហើយបានដាក់ ឈ្មោះសាលាបឋមសិក្សាតេជោ ហ៊ុន សែន ទួលប្រសាទដែលអាចឲ្យសិស្សចូលមករៀនបានចំនួន២០០នាក់ ក្នុងភូមិនេះទាំងអស់តែម្តង ។ លុះនៅល្ងាចថ្ងៃទី៣ ខែឧសភា ឆ្នាំ២០១៧ លោកជំទាវ ម៉ៅ ម៉ាល័យ កែ គឹមយ៉ាន ប្រធានកិត្តិយសសមាគមន៍នារីកម្ពុជា ដើម្បីសន្តិភាពនិងអភិវឌ្ឍ ។
លោក អ៊ុំ រាត្រី អភិបាលរងខេត្តបន្ទាយមានជ័យអមដំណើរដោយមន្ត្រីអ្នកមុខអ្នកការប្រជាពលរដ្ឋ និងសិស្សានុសិស្សជាច្រើននាក់ បានចូលរួមសម្ពោធសាលាបឋមសិក្សាតេជោ ហ៊ុន សែន ទួលប្រសាទនេះដាក់ឲ្យប្រើប្រាស់ជាផ្លូវការ ។ ក្នុងនោះ លោកជំទាវ ម៉ៅ ម៉ាល័យ បានធ្វើការវាយតំលៃខ្ពស់ថា ជាងធ្វើបានល្អផ្ចិតផ្ចង់ ធ្វើតាមរចនាបទរបស់ខ្មែរ រឹងមាំអាចទទួលយកបាន ។
លោក អិន សូល បានបញ្ជាក់ទៀតថា កសាងសាលា១ខ្នងនេះ ពេលដែលសិស្សបានចូលសិក្សា ហើយប្រជាពលរដ្ឋក្នុងភូមិចែងទាំងអស់ឈប់មានការព្រួយបារម្ភអំពីគ្រោះថ្នាក់ផ្សេងៗ មិនដូចមុនទៀតឡើយ ។ ក្នុងនោះ លោកជំទាវ ម៉ៅ ម៉ាល័យ កែ គឹមយ៉ាន បានធ្វើការផ្តាំផ្ញើរដល់ប្រជាពលរដ្ឋ នៅក្នុងភូមិចែងទាំងអស់ក្រោយពេលទទួលបានសាលា១ខ្នងនេះកូនចៅបានចូលសិស្សា ហើយត្រូវចេះជួយថែរក្សាសាលា១ខ្នងឲ្យបានគង់វង់ ដើម្បីទុកឲ្យសិស្សជំនាន់ក្រោយៗ បានចូលរៀនបន្តទៀត ព្រោះសាលា១ខ្នងៗ វាចំណាយលុយអស់ច្រើនណាស់ ៕
