ខេត្តរតនគិរី ៖ មានសេចក្តីរាយការណ៍ពីប្រជាពលរដ្ធដែលរស់នៅក្នុងភូមិសាមុតលើ និងភូមិសាមុតក្រោម ឃុំសេដា ស្រុកលំផាត់ខេត្តរតនគិរី កាលពីថ្ងៃទី ១២ខែមិនា ឆ្នាំ២០១៧ វេលាម៉ោង៧,៣០នាទីព្រឹក ពាក់ព័ន្ធករណីយ៍រថយន្តម៉ាកសាំយ៉ុងចាស់ៗចំនួនបីគ្រឿង ផ្ទុកដោយឈើប្រណិតប្រភេទឈើធ្នុង ញាត់ណែនទាំងបីគ្រឿងរុំក្រណាត់ភួយ។
ក្នុងចំណោមរថយន្តសាំយ់ង ទាំងបីគ្រឿង នោះ រួមមាន៖ ពណ៌ខៀវពីរគ្រឿង អត់មានស្លាកលេខ ពណ៌សមួយគ្រឿងពាក់ ស្លាកលេខ ភ្នំពេញ2U.0885។
ប្រភពបានបន្តថា ៖ ខណះដែលពួកគាត់ឆ្លងកាត់តំបន់នោះ បានប្រទះឃើញរថយន្តទាំងបីគ្រឿងខាងលើ ផ្ទុកដោយ ឈើប្រណិត ចតនៅត្រង់ចំណុចក្នុងបរិវេណដីលំនៅដ្ធាន របស់លោក សុ វណ្ណះកាយ នេះតែម្តង ដែលលោក មានថានះជាអនុប្រធានប៉ុស្ថិ នគរបាល ឃុំ សេដា ដែលស្ថិតនៅភូមិ ឡឹះ (ភូមិចាស់) ក្នុងភូមិសាមុតលើ ឃុំ សេដា ស្រុកលំផាត់។
អ្នកសារព័ត៌មានយើងមួយក្រុមបានចុះទៅផ្តិតយករូបភាព និង រាយការណ៍ជាបន្តបន្ទាប់តាមទូរស័ព្ទ ទៅសមត្ថកិច្ចជំនាញ គ្រប់ស្ថាប័ណ្ណដែលសំខាន់ៗពាក់ព័ន្ធរួមមាន៖ ទី1.លោក សយ សូណា ប្រធានការិយាល័យកសិកម្មរុក្ខា ប្រម៉ាញ់និង នេសាទខេត្តរតនគិរី លោកថា ៖ វាជាតំបន់ដែលគ្រប់គ្រងដោយខាង បរិស្ថាន ថា យ៉ាងណានោះ តេ ទៅ លោកអភិបាលស្រុកនៅទីនោះទៅ ហើយលោក កែប កត់ នាយខណ្ឌរដ្ឋបាលព្រៃឈើខេត្ត លោកថា៖ វាជាតំបន់ដែលគ្រប់គ្រងដោយមន្ទីរបរិស្ថានខេត្តលោកពុំមានតួរនាទីនោះឡើយ។
បន្ទាប់មក ក្រុមអ្នកយកព័ត៌មានយើងខ្ញុំបានទាក់ទងតាមទូរស័ព្ទទៅលោក ផុន ខេមរិន្ទ ប្រធានមន្ទីរបរិស្ថានខេត្តរតនគិរីបានអោយភ្នាក់ងារ យើងខ្ញុំដឹងភ្លាមៗថា ៖ ទីតាំងផ្ទុកបទល្មើសខាងលើនោះ វាជាតំបន់ចែកជាពីរ ស្រុកបរកែវ និងស្រុកលំផាត់ ការចុះបង្ក្រាបនេះ លោកបានប្រគល់អោយកម្លាំងបរិស្ថានស្រុកសហការជាមួយលោកអភិបាលស្រុកពីព្រោះវាក្រៅពីតំបន់លោក គ្រប់គ្រង ។
ក្រោយពីបានស្តាប់នូវការបំភ្លឺពីស្ថាប័នជំនាញពាក់ព័ន្ធទាក់ទងបទល្មើសព្រៃឈើ ដែលកើតមាន ទើបធ្វើអោយមជ្ឈដ្ឋានទូទៅរិះគន់ជាច្រើនលើកច្រើនសារឥតឈប់ឈរ ទៅលើមន្ត្រីជំនាញ ដែលកំពុងបំពេញតួរនាទីបំរើផលប្រយោជន៍ជាតិនិងរាជរដ្ឋាភិបាល បែរជា ប្រាស់ចាកពីឧត្តមគតិរបស់ខ្លួន ដែលបានប្តេជ្ញាចិត្តក្នុងថ្ងៃកាន់ដំណែង ។
ជាក់ស្តែង បទល្មើសកើតមានច្បាស់ក្រឡែតបែរជាក្រុមសមត្ថកិច្ចជំនាញទាំងអស់នាំគ្នា ឆ្លើយដាក់គ្នាបន្តកន្ទុយ មិនចុះបង្ក្រាបនោះឡើយ បណ្តែតបណ្តោយ រហូតមកដល់ថ្ងៃទី១៣ខែមិនា ឆ្នាំ២០១៧ រថយន្តទាំងបីគ្រឿងផ្ទុកបទល្មើសខាងលើ ត្រូវឈ្មួញរំដោះចេញ ផុតដោយសុវត្ថិភាព។
មានប្រភពផ្សេងលួចខ្សិបប្រាប់អោយអ្នកសារព័តិមានយើងដឹងទៀតថា ៖ ម្ចាស់់ឈើនិងរថយន្តសាំយ៉ុងទាំងបីគ្រឿងដែលសុំចត(ផ្ញើ )ក្នុងបរិវេណដីលំនៅដ្ធានលោកអនុប៉ុស្តិ៍រដ្ឋបាល នោះ ត្រូវបានគេស្គាល់ ឈ្មោះ ស្រីខួច និង ឈ្មោះ ស្រីលក្ខ័ប្តីឈ្មោះ តុ ពួកគេមានទីលំនៅ ក្នុងភូមិភ្នំស្វាយ សង្កាត់ បឹងកន្សែង ក្រុងបានលុង ខេត្តរតនគិរី។
ប្រភពដដែលបន្តថា ៖ ពួកគេទាំងពីរនាក់នេះ គឺជាឈ្មួញដុះស្លែ ដឹកជញ្ជូនបទល្មើសឈើប្រណិត យ៉ាងសកម្មបំផុត ប្រម៉ែប្រមូលទិញតាមគ្រប់តំបន់ជាពិសេស តំបន់ជាប់ព្រំប្រទល់ខេត្តមណ្ឌលគិរី (កោះញ៉ែក អូរល្វាក់)ជាទីតាំងស្តុកឈើប្រណិតដ៍ធំសំរាប់ឈ្មួញទាំងនេះដឹកជញ្ជូនចេញ ទាំងយប់ទាំងថ្ងៃខណះច្រកទ្វាអូរយ៉ាដាវបើក ។
សូមបញ្ជាក់ថា ៖ ស្រុកលំផាត់មានផ្លូវលំមួយខ្សែបំបែកចេញពីផ្លូវជាតិលេខ76 ឆ្ពោះមកធ្លាយ និងស្រុកបរកែវ លេខ78 ក្នុងចំងាយប្រមាណ ជាងម្ភៃគិឡូម៉ែត្រប៉ុណ្ណោះ ដោយឆ្លងកាត់ភូមិសាមុតគ្រោម និងសាមុតលើ ឃុំសេដា នេះតែម្តង។ ដូច្នេះឈ្មួញរកស៊ីឈើទាំងឡាយទាំងពួង សប្បាយចិត្តដឹកជញ្ជូនចេញតាមច្រកនេះ មិនបាច់ឆ្លងកាត់ក្រុងបានលុង ។
ប្រជាពលរដ្ឋទូទាំងខេត្តរតនគិរី សំណូមពរដល់ឯកឧត្តរដ្ធមន្ត្រីក្រសួង កសិកម្មរុក្ខាប្រម៉ាញ់ និងនេសាទ និងឯកឧត្តមរដ្ធមន្ត្រីក្រសួងបរិស្ថាន មេត្តារិតបន្តឹង ដល់មន្ត្រីក្រោមឪវាទ មេត្តាគោរពតាមភារកិច្ច ក្នុងការបំពេញកាតព្វកិច្ចនិងតួរនាទីរបស់ខ្លួន ដែលកំពុងរងការរិះគន់៕
សន ចាន់ឌី
