ខេត្តរតនគីរី៖ កម្លាំងអាវុទ្ធហត្ថផ្ទៃប្រទេសសហការ កម្លាំងអាវុទ្ធហត្ថខេត្ត និង ជំនាញរដ្ឋព្រៃឈើបង្ក្រាបឈើបាន ៣៧,៦០ មែត្រគូប ឈ្មួញរកស៊ីយកមកលាក់ទុកក្រោមដើមចន្ទីមួយកន្លែង ដោយគេដឹងថា មានម្ចាស់ឈ្មោះវង្សនៅវេលាម៉ោង១១ និង១៥នាទីថ្ងៃ៨ ខែមិនាឆ្នាំ២០១៧នៅចំណុចភូមិគងយ៉ុក ឃុំប៉ាត់តេ ស្រុកអូយ៉ាដាវ ខេត្តរតនគីរី។
សមត្ថកិច្ចធ្វើការវាស់វែងលទ្ធផល គឺឈើសុក្រម និងខ្វាវ សរុប ៤០១ ដុំ ស្មើនឹង ៣៥,១៦៩ ម៉ែត្រគូប ឈើគីឡូ ថ្លឹងបាន ៣០៤០ គីឡូក្រាម ស្មើនឹង ២, ៤៣២ ម៉ែត្រគូប ឈើទាំង២មុខ សរុបរួម ៣៧,៦០ មែត្រគូប ។
ប្រភពបានបញ្ជាក់ថា កន្លងមកធ្លាប់មានសមត្ថកិច្ចបង្ក្រាបចាប់ឈើឈ្មោះវង្ស់ដែរ តែចាប់មិនជាប់ ចាប់បាន២~៣ថ្ងៃឈ្មោះ វង្ស នេះនាំគ្នាទៅរំដោះយកទាំងឡានទាំងឈើរបស់ខ្លួនមកវិញ ចេញពីកន្លែងមេព្រៃធ្វើព្រងើយ គ្មានអ្នកណាហ៊ានធ្វើស្អីគេឡើយ ដោយគេមានខ្នងបង្អែកដ៏ធំ ៕
