ក្រុមប្រឹក្សាខណ្ឌដូនពេញ បើកកិច្ចប្រជុំសាមញ្ញលើកទី៣២ អាណត្តិទី៣ តាមប្រព័ន្ធ Zoom Meeting
ថ្ងៃចេញផ្សាយៈ January 28, 2022
(ភ្នំពេញ)៖ នៅថ្ងៃសុក្រ ១១រោច ខែបុស្ស ឆ្នាំឆ្លូវ ត្រីស័ក ព.ស ២៥៦៥ត្រូវនឹងថ្ងៃទី២៨ ខែមករា ឆ្នាំ២០២២ វេលាម៉ោង ៨:០០នាទីព្រឹក នៅរដ្ឋបាលខណ្ឌដូនពេញមានកិច្ចប្រជុំសាមញ្ញលើកទី៣២ របស់ក្រុមប្រឹក្សាខណ្ឌដូនពេញ អាណត្តិទី ៣ (តាមប្រព័ន្ធ Zoom Meeting) ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌ និងលោក សុខ ពេញវុធ អភិបាល នៃគណៈអភិបាលខណ្ឌដូនពេញ ដោយមានឯកឧត្តម សរ សុង សមាជិកក្រុមប្រឹក្សារាជធានី និងលោក-លោកស្រីសមាជិក-សមាជិកាក្រុមប្រឹក្សាខណ្ឌ, លោក-លោកស្រីអភិបាលរងខណ្ឌ, លោកនាយក-នាយករងរដ្ឋបាលខណ្ឌ, លោកមេបញ្ជាការកងរាជអាវុធហត្ថខណ្ឌ, លោកអធិការនគរបាលខណ្ឌ, ប្រធានក្រុមយោធាភូមិភាគប្រចាំខណ្ឌ, លោក-លោកស្រីប្រធាន-អនុប្រធានការិយាល័យ/អង្គភាពចំណុះរដ្ឋបាលខណ្ឌ, និងលោកចៅ-ចៅរងសង្កាត់ទាំង១១ លេីរបៀបវារៈដូចខាងក្រោម៖
១-ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី៣១ របស់ក្រុមប្រឹក្សាខណ្ឌដូនពេញ អាណត្តិទី៣។
២-ពិនិត្យ និងអនុម័តសេចក្តីព្រាងរបាយការណ៍ ស្តីពីការអនុវត្តការងារប្រចាំខែមករា និង
ទិសដៅខែកម្ភះ ឆ្នាំ២០២២ របស់រដ្ឋបាលខណ្ឌដូនពេញ ។
៣-ពិនិត្យ និងអនុម័តសេចក្តីព្រាងតារាងបែងចែកប្រាក់រង្វាន់លើកទឹកចិត្តប្រចាំខែមករា ឆ្នាំ
២០២២ ដែលបានមកពីការផ្តល់សេវារដ្ឋបាលសម្រាប់ឧបត្ថម្ភជូនមន្ត្រីបុគ្គលិកនៃរដ្ឋ
បាលខណ្ឌដូនពេញ ។
៤-ពិនិត្យ និងអនុម័តសេចក្តីព្រាង សៀវភៅផែនការវិនិយោគបីឆ្នាំរំកិល(២០២២-២០២៤)
របស់រដ្ឋបាលខណ្ឌដូនពេញ។
៥-ពិនិត្យ និងអនុម័តសេចក្តីព្រាងការបិទបញ្ជីចំណូល-ចំណាយថវិកាឆ្នាំ២០២១ របស់រដ្ឋបាលខណ្ឌដូនពេញ។
៦-ការងារផ្សេងៗ
