ប្រទេសថៃ ៖ ពលករខ្មែរចំនួន២នាក់ ជាជាងឈើបានភ្លាត់ជើងធ្លាក់ ធ្លាក់ពីលើអាគារកំពស់៣៩ជាន់មកលើដី ដោយបែកមុខបាក់ដៃជើងស្លាប់មើលសព សឹងមិនយល់ ។
យោងតាមការផ្សាយព័ត៌មានរបស់ទូរទស្សន៍ប៉ុស្តិ៍លេខ៨ ថៃផ្សាយនៅថ្ងៃទី២៤ខែកុម្ភ:ឆ្នាំ២០១៧ បានអោយដឹងថា មានករណី
មនុស្សធ្លាក់ពីលើអាគារជាន់ទី៣៩ នៃទីតាំងខនដូ មីនៀម មួយកន្លែង ក្នុងស្រុកបាងយ៉ៃ ខេត្តណុនថៈ បុរី ប្រទេសថៃ ដែលសពជនរងគ្រោះទាំងពីរនាក់សឹងតែមើលមិនយល់ ដោយសារតែសាច់ និងឆ្អឹង មានការបាក់បែកខ្ទេចខ្ទី នៅក្នុងខោ អាវខៅប៊យ ។
តាមការអះអាងពីអ្នកម៉ៅការសាងសង់អាគារខនដូរនេះ បាននិយាយថា នៅមុនពេល កើតហេតុគឺជនរងគ្រោះទាំង២នាក់ ដែលមាននាទីជាជាងឈើ បានឡើងទៅធ្វើការ នៅជាន់ទី៣៩ ដើម្បីតុបតែងផ្ទៃក្នុងដែលធ្វើឡើងអំពីឈើ ប៉ុន្តែគេមិនបានដឹងថា បណ្តាលមកពីមូលហេតុអ្វីនោះទេ ដែលធ្វើអោយពួកគេទាំង២នាក់ ធ្លាក់មកដល់ដី នៅជាន់ខាងក្រោមបែបនេះ ។
បុរសទាំង២នាក់ជាពលករមកពីប្រទេសកម្ពុជា មានឈ្មោះ ភឿន ស៊ិន និងឈ្មោះ មូល កុសល និងមានអាយុ២២ឆ្នាំ ដូចគ្នា ដោយពួកគេបាន មកធ្វើការជាជាងឈើ នៅក្នុងទីតាំងនេះយូរមកហើយ ។ ក្រោយពេលកើតហេតុ កំលាំងតម្រួតបានចុះទៅពិនិត្យលើទីតាំងកើតហេតុ ដើម្បីរកមូលហេតុនៃការធ្លាក់របស់ពលករ កម្ពុជាទាំង២នាក់។
បច្ចុប្បន្ន សពពលករទាំងពីរនាក់ ត្រូវបានរៀបចំចាត់ចែងតាមផ្លូវច្បាប់ ដើម្បីធ្វើការបញ្ជូនមកកាន់ទឹកដីកម្ពុជាដើម្បីឲ្យសាច់ញាតិយកទៅធ្វើបុណ្យតាមប្រពៃណី៕
