ខេត្តមណ្ឌលគិរី ៖ សមត្ថកិច្ចជំនាញនិងលោក នង ទន់ណារី អភិបាលស្រុកអូរាំង រងការរិះគន់មិនបង្ក្រាបបទល្មើស ព្រៃឈើ អសមត្ថភាព ចាប់បានតែឈើប្រជាពលរដ្ឋដឹកមកធ្វើផ្ទះ ជារៀងរាល់ យប់ថ្ងៃ គេសង្កេតឃើញ សកម្មភាពដឹកជញ្ជូនឈើចេញពីក្នុងភូមិអណ្តូងក្រឡឹង និងភូមិពូហ្យាមដឹកតាមរយ:ម៉ូតូនឹងរថយន្តជាដើម មិនដែលឃើញចាប់បង្ក្រាបម្តងណាទេសង្ស័យត្រូវរ៉ូវគ្នា។
ក្នុងមួយយប់ៗរថយន្តដឹកឈើមិនក្រោមពី១៥គ្រឿងនោះទេមានរថយន្តកាមរីហើម កាមរីគូថស្វិត លិសស៊ីស កាមរីបាឡែន វីឯម៉ូតូដឹកឈើវិញមិនក្រោមពី១៥ទៅ២០គ្រឿងឡើយ។
ឈ្មួញដឹកឈើមានខ្នងបង្អែកជាមន្ត្រីដែល មានអំណាច ធ្វើការដឹកជញ្ជូនឈើ ចេញទៅប្រទេសវៀតណាម ជារៀងរាល់ថ្ងៃ ដោយ មិនខ្លាចញើឺតសមត្ថកិច្ចអ្វីបន្តិចឡើយ ។
ពលរដ្ឋសំណូមពរដល់លោក ស្វាយ សំអ៊ាង អភិបាលខេត្តមណ្ឌលគិរី ពិនិត្យមន្ត្រីក្រោមឱវាទរបស់លោកដែលឈរជើងនៅក្នុងស្រុកអូររាំងនិងចាត់វិធានការទប់ស្កាត់ បទល្មើសព្រៃឈើកុំឲ្យកើតមានតទៅទៀត ៕
