ខេត្តស្ទឹងត្រែង ៖ តាមការដឹង នាព្រឹកថ្ងៃទី១៩ កុម្ភៈ ២០១៧នេះថា ភាគីកម្ពុជានិងឡាវនិងផ្តើមជំនួបគ្នាក្នុងចន្លោះចាប់ទីថ្ងៃទី២០ រហូតដល់ថ្ងៃទី២៧ កុម្ភៈ ដើម្បីស្វែងរកដំណោះស្រាយលើបញ្ហាការឈូសឆាយសាងសង់ផ្លូវយុទ្ធសាស្ត្រក្រវ៉ាត់ព្រំដែនកម្ពុជា។
វរៈការពារព្រំដែន១០១អោយដឹងថាកម្លាំងទាហា៑នឡាវ នៅបន្តបន្ថែមកម្លាំងមកបន្ទាត់ព្រំដែនប្រមាណជាជាង៤០០នាក់ ដោយពង្រាយចាប់ពីចំណុចប៉ុស្តិ៍វរៈ២១ ត្រើយម្ខាងទន្លេសេសាន អូរកុះ ដល់អូរតាក់ឡាវទឹកដីភាគីឡាវ ដោយឡែក កម្លាំងមួយចំនួនទៀតមកឈជើងលើដីកម្ពុជាប្រដាប់ដោយអាវុធចូលមករារាំងមិនអោយទាហា៑ន កងវិស្វកម្មកម្ពុជាធ្វើផ្លូវយុទ្ធសាស្ត្រក្រវ៉ាត់ព្រំដែចំណុចអូតាឡាវខេត្តស្ទឹងត្រែង។
គិតថ្ងៃទី១៩ កុម្ភៈនេះ រយៈពេលចំនួន១១ថ្ងៃកន្លងមកហើយ ខាងកម្លាំងទាហា៑នខេត្តអាតតះពឺ របស់ឡាវជាច្រើនអ្នកបាននិងបន្តរារាំងការស្ថាបនាផ្លូវយុទ្ធសាស្ត្រក្រវ៉ាត់តាមព្រំដែនកម្ពុជា ចំណុចអូតាឡាវ ក្នុងភូមិសាស្ត្រ ឃុំសន្តិភាពស្រុកសៀមប៉ាងខេត្តស្ទឹងត្រែង តាំងពីថ្ងៃទី ០៨ ខែគុម្ភះ ឆ្នាំ២០១៧មកម្លេះ ។
បន្ទាប់ពីទាហា៑នឡាវបន្ថែមកម្លាំង ភាគកម្ពុជាក៏រៀបចំកម្លាំងការពារព្រំដែន រួមមានកម្លាំងទាហា៑នវរៈការពាព្រំដែន ១០១ កម្លាំងនគរបាលវរៈការពារព្រំដែនលេខ៧០១ កម្លាំងតំបន់ប្រតិបត្តិការសឹករងខេត្តកម្លាំងយោធភូមិភាគ១រួមនិងកម្លាំងកងវិស្វកម្ម ចុះធ្វើការណែនាំដល់ទាហា៑នឡាវមិនអោយនាំនូវអាវុធចូលមកក្នុងដែនដីកម្ពុជា យ៉ាងណាខាងទាហា៑នឡាវគឺមិនឯកភាពតាមសំណុំពររបស់ភាគីកម្ពុជាយើងនោះទេ គេឆ្លើយថាធ្វើទៅតាមបទបញ្ជារបស់ថ្នាក់លើ ។
ខាងកម្លាំង កង វិស្វកម្មស្នើសុំថ្នាក់លើកម្ពុជា ថែមកម្លាំងមកជាបន្ទាន់ ដើម្បីបន្តស្ថាបនាផ្លូវតទៅទៀត បច្ចុប្បន្ន ភាគីកម្ពុជានៅបន្តការសម្របសម្រួលបណ្តើរធ្វើបណ្តើរហើយខាងកម្លាំងកងវស្វកម្ម បានបន្តការស្ថាបនាផ្លូវយុទ្ធសាស្ត្រ ក្រវ៉ាត់ព្រំដែន ពីចំណុចដុងក្រឡរ ក្រុងស្ទឹងត្រែង ដល់ចំណុច អូតាឡាវ ស្រុកសៀមប៉ាង បានប្រវែងដល់ទៅ ១៥០ គីឡូម៉ែត្រ និង៤០០មែត្រលើផែនការអនុវត្ត២៥៧គីឡូម៉ែត្រ ៕
