ខេត្តរតនគិរី៖ កម្លាំងរដ្ឋបាលព្រៃឈើសហការណ៍ជាមួយកម្លាំងអាវុធហត្ថខេត្តរតនគិរីនិងកម្លាំងអាវុធហត្ថលើផ្ទៃប្រទេស នៅព្រឹកទាបភ្លឺថ្ងៃទី៥ ខែសីឆ្នាំ២០១៦នេះ បានស្ទាក់ចាប់រថយន្តឡង់គ្រីស័រមួយគ្រឿងដឹកឈើប្រ
ណិតពេញ ពេលកំពុងបើកលោតឆ័ត្រចូលក្រុងបានលុង ត្រង់ចំណុច ភ្នំកូនសេកស្ថិតក្នុងភូមិតាអង ឃុំតាអង ស្រុកកូនមុំ ខេត្តរតនគិរី។
រថយន្តដឹកឈើមួយគ្រឿងនេះ ត្រូវបានអះអាងថា ជា ថយន្តរបស់លោកសេងវាសនានគរបាលការិយាល័យប្រឆាំងបទល្មើសសេដ្ឋកិច្ចខេត្ត ពាក់ស័ក្តិ៤ អត្តលេខ(11990)ដែលដែលគេស្គាល់ថាមិនមែនប៉ូលីសប្រឆាំងបទល្មើសសេដ្ឋកិច្ចខេត្តនោះទេ គឺលោក សេង វាសនា ជាប៉ូលីសបង្កើតបទល្មើសសេដ្ឋកិច្ចប្រចាំភាគឦសាន។
លោក គឹម ឆេងលីម មន្ត្រីរដ្ឋបាលព្រៃឈើសង្កាត់កូនមុំ ប្រាប់ឲ្យដឹងថា បន្ទាប់ពីទទួលព័ត៌មានពីកម្លាំងសម្ងាត់ មានរថយន្តលួចដឹកឈើ ឆ្លងកាត់ភូមិសាស្ត្រខ្លួននោះ លោកបានសុំយោបល់លោកកែបកត់នាយខណ្ឌរដ្ឋបាលព្រៃឈើសហការជាមួយកម្លាំងអាវុធហត្ថធ្វើការបង្ក្រាបតែម្តងទៅ ។ បច្ចុប្បន្ន វត្ថុតាងរថយន្តដឹកឈើប្រណិតពេញនេះ ត្រូវនាំយកមករក្សាទុកនៅខណ្ឌរដ្ឋបាលព្រៃឈើរតនគិរី ដើម្បីឲ្យម្ចាស់ចូលខ្លួនបង់ពិន័យ តាមច្បាប់ស្តីពីព្រៃឈើ ។
ទាក់ទិនទៅ និងមន្ត្រីនគរប្រឆាំងបទល្មើសសេដ្ឋកិច្ច លួចដឹកឈើប្រណិតខាងលើនេះ លោកវរសេនីយ៍ឯក នូវ ដារ៉ា(ហៅឈុន) ដែលជាប្រធានអង្គភាពនោះបានឲ្យដឹងតាមទូរសព្ទ័ថាបុគ្គលសេងវាសនានេះកន្លងមកអង្គភាពបានហៅមកណែនាំនិងធ្វើកិច្ចសន្យាបញ្ឈប់ការដឹកជញ្ជូនឈើជាច្រើនដងមកហើយតែគាត់នៅតែមិនព្រមបញ្ឈប់ទេ។
សូមរំលឹកថា កន្លងមកបន្ទាប់ពីសម្ដេចតេជោ នាយករដ្ឋមន្ត្រី ហ៊ុន សែន បានចេញបទបញ្ជាក្ដៅៗ ឲ្យបង្កើតគណៈកម្មការ បង្ក្រាបបទល្មើសព្រៃឈើ រួចមក មានមជ្ឈដ្ឋានជាច្រើន បាននិយាថា ក្នុងរយៈកាល ជាច្រើនឆ្នាំមកនេះ ថ្នាក់ដឹកនាំក្រសួងមហាផ្ទៃ ក៍ដូចជា អគ្គស្នងការដ្ឋាន នគរបាលជាតិ តែងបានចាត់តាំង មន្ត្រីៗនគរបាល ប្រឆាំងបទល្មើសសេដ្ឋកិច្ច មិនតិចនាក់ទេ ឲ្យទៅឈរជើងប្រចាំការ នៅតាមគ្រប់បណ្ដាខេត្ត ដើម្បីចាំជួយសហការ បង្ក្រាបទប់ស្កាត់ បទល្មើសសេដ្ឋកិច្ច ឲ្យមានប្រសិទ្ធភាពខ្ពស់។
តែផ្ទុយទៅវិញ ប្រជាពលរដ្ឋភាគច្រើន មើលឃើញច្បាស់ថា ខេត្តណាដែលមាន ប៉ូលិសសេដ្ឋកិច្ច ទៅឈរជើងច្រើន… ក៍មានបទល្មើសព្រៃឈើ កើតឡើងច្រើនដែរ តួយ៉ាងដូចជា ខេត្តរតនគិរីនេះ គ្រប់គ្រងទទួលខុសត្រូវ ក្នុងការបង្ក្រាបទប់ស្កាត់ បទល្មើសសេដ្ឋកិច្ច ដូចជាលោក សេង វាសនា ពាក់ស័ក្តិ៤ អត្តលេខ(11990) ត្រូវបានប្រជាពលរដ្ឋប្តូរឈោះ ជាមន្ត្រីប៉ូលីសបង្កើតបទ ល្មើសសេដ្ឋកិច្ចដោយខ្លួនឯងទើបត្រឹមត្រូវ៕
