ភ្នំពេញ ៖ ស្ត្រីម្នាក់ ត្រូវក្រុមចោរប្លន់បាញ់២គ្រាប់របួសធ្ងន់និងយកកាបូ បលុយ ៣ ពាន់ដុល្លា និងទូរសព្ទ័២គ្រឿង ស្ត្រីម្នាក់ បានដើរចេញពីខួបកំណើត ត្រូវបានចោរមួយក្រុមជិះម៉ូតូមកឈប់ភ្ជង់ប្លន់បាញ់ត្រូវ រងរបួសយ៉ាងធ្ងន់ធ្ងរនិងយកកាបូកលុយអស់៣០០០ដុល្លានិងទូរសព្ទ័២គ្រឿងគេចខ្លួនដោយសុវត្តភាព ។
ករណីបាញ់ប្រហារខាងលើនេះបង្កឲ្យមានការភ្ញាក់ផ្អើលនៅវេលាម៉ោង៨៖៥០នាទីយប់ត្រូវនិងថ្ងៃទី៣១ ខែកក្កដា ឆ្នាំ២ ០១៦ នៅចំណុចផ្ទះលេខ១២៥ ផ្លូវលេខ១៤៦ ស្ថិតក្នុង សង្កាត់ទឹកល្អក់២ ខណ្ឌទួលគោក រាជធានីភ្នំពេញ ។
ជនរងគ្រោះមានឈ្មោះធាន រិទ្ធិកា ភេទស្រី អាយុ៣៣ឆ្នាំ មានមុខរបធ្វើការនៅក្រុមហ៊ុនស្នាក់នៅបុរីពិភពថ្មីសែនសុខ ។
ប្រភពពីជនរងគ្រោះបានឲ្យដឹងថា មុនពេលកើតហេតុ រូបគា ត់បានបើករថយន្តរបស់ខ្លួនម៉ាកហាយលិនឌ័រពណ៍សពាក់ស្លាកលេខភ្នំពេញ 2-D7483តែម្នាក់ឯងពីផ្ទះដើម្បីទៅខួបកំ ណើតបងប្អូននៅចំណុចកើតហេតុខាងលើ ខណៈពេលកម្មវិ ធីមិនទាន់ចប់ផង គាត់បានលាបងប្អូនត្រលប់ទៅផ្ទះមុន ព្រោះយប់ជ្រៅហើយ ពេលដើរជិតដល់រថយន្ត ស្រាប់តែលេចជនសង្ស័យមានគ្នា២ទៅ៣នាក់ជិះម៉ូតូScopy ពណ៌ស មួយគ្រឿង មិនចាំស្លាកលេខ បានស្ទុះមកដកកាំក្លើងមកភ្ជង់យកកាបូកលុយ គាត់ក៏ព្រមអោយ និងបានដើរត្រលប់មកក្រោយកន្លែងកម្មវិធីខួបកំណើតវិញ ស្រាប់តែក្រុមចោរប្លន់នោះបាញ់សំដៅមកលើស្ត្រីរងគ្រោះ៤គ្រាប់ តែត្រូវ២គ្រាប់ មួយគ្រាប់ត្រូវក្បាល និងមួយគ្រាប់ទៀតត្រូវចំស្មារខាងឆ្វេង បណ្ដាលរងរបួសយ៉ាងធ្ងន់ធ្ងរ ព្រមទាំងត្រូវបានបងប្អូនដឹកមកសង្គ្រោះនៅមន្ទីរពេទ្យឯកជននៅជិតនោះ ប៉ុន្តែដោយសារស្ថានភាពធ្ងន់ធ្ងរពេក ទើបបញ្ជូនបន្តទៅសង្គ្រោះនៅឯមន្ទីរពេទ្យកាល់ម៉ែត្រតែម្ដងទៅ ។
បើយោងតាមប្រសាស្ត្រលោកវេជ្ជបណ្ឌិត ទ្រី ធី ធ្វើការនៅមជ្ឍមឌ្ឍល់ប្រពន្ធ័ប្រសាទ(វះកាត់ខួរក្បាល)បានបញ្ជាក់ថា ស្ត្រីរងគ្រោះដោយជនមិនស្កាល់អត្តញ្ញាណបាញ់ខាងលើនេះគឺបានរួចផុតពីគ្រោះថ្នាក់ហើយ
សំណាងណាស់ ការបាញ់នេះមិនបណ្តាលអោយធ្លាយដល់ចំណុចស្លាប់ឡើយ ហើយនៅពេលក្រុមគ្រួសារ់ញ្ញាត្តបញ្ជូនមកដល់ មន្ទីរពេទ្យកាល់ម៉ែត ភ្លាមៗនោះបានទទួលការព្យាបាលដោយលោកវេជ្ជបណ្ឌិត (លោកគ្រូពេទ្យ) ល្អមានបទពិសោធ៍ច្រើនមកពីប្រទេសបារាំង ចាប់ផ្តើមបន្តការព្យាបាលមិន
បានរយះពេលប៉ុន្មាននាទីបន្ទាប់មក ក៏ក្រុមការងារលោកវេជ្ជបណ្ឌិតខិតខំជួយសង្គោះបានរួចផុតពីគ្រោះថ្នាក់ ហើយដោយសារតែការបាញ់នោះ ពុំមានគ្រាប់ធ្លាយចូលក្នុងខ្លួនឡើយ ១គ្រាប់ចំក្បាលធ្លាយចេញមកក្រៅវិញផ្នែកក្រៅលលាក្បាល និង១គ្រាប់ទៀតស្មាផ្នែកខាងក្រោយខ្នងក៏ផ្លាតមកខាងក្រៅក្រោយខ្នងវិញ។
ប្រភពបានបន្តថា សម្ភារៈបាត់បង់មានកាបូកលុយមួយក្នុង នោះមានថវិការចំនួន៣០០០ដុល្លា និងទូរសព្ទ័២គ្រឿងមួយគ្រឿង អាយហ្វូនស៊ិចប្លើសមួយគ្រឿងនិងមួយគ្រឿងទៀតiPhone៤ ។
ក្រោយកើតហេតុ កម្លាំងសមត្ថកិច្ចមូលដ្ឋានបានចុះមកដល់ ទីតាំងកើតហេតុដើម្បីប្រមូលរកវត្ថុតាងនិងបន្តស្រាវជ្រាវស្វែងរកចាប់ខ្លួនជនដៃដល់យកមកផ្ដន្ទាទោសតាមច្បាប់ ៕
ដោយ ហុក វិបុល
