ក្រចេះ ៖ កាលពីថ្ញៃទី០២ ខែសីហា ឆ្នាំ២០១៦ វេលា ម៉ោង២២:៤០នាទី កំលាំងកងរាជអាវុធហត្ថ ក្រុងក្រចេះ ចំនួន០៨នាក់ រថយន្ត០៤គ្រឿង និងកំលាំងអាវុធហត្ថខេត្ត ក្រចេះ ចំនួន១០នាក់ ដឹកនាំដោយលោកវរះសេនីយ៍ឯក ឯម វណ្ណា មេបញ្ជាការរងកងរាជអាវុធហត្ថ ខេត្តក្រចេះ បានសហការជាមួយកំលាំងរដ្ឋបាលព្រៃឈើផ្នែកក្រចេះចំនួន០៥នាក់ ដឹកនាំដោយលោក ទ្រី ម៉េងលាង នាយរងផ្នែករដ្ឋបាលព្រៃឈើក្រចេះ ដោយមានការសំរបសំរួលពីលោក ហាក់ ហ៊ន ព្រះរាជអាជ្ញារងអមសាលាដំបូងខេត្តក្រចេះ ដោយចុះបង្ក្រាបនៅចំណុចភូមិស្រែស្តៅ សង្កាត់អូរឫស្សី ក្រុងក្រចេះ ខេត្តក្រចេះ ។
ក្នុងសកម្មភាពបង្ក្រាបនេះ សមត្ថកិច្ចបានឃាត់រថយន្តចំនួន ១០ គ្រឿង ។ ខណៈពេលនោះ ក្រុមជនល្មើសបានចុះពីលើរថយន្តប្រហែល 30 នាក់ ដោយដៃមានកាន់ដែកដំបងទីប និងទំលាក់ឈើចុះបិទផ្លូវ បង្កការកកស្ទះចរាចរណ៍ រារាំងនិងគំរាមកំលាំងសមត្ថកិច្ចថែមទៀត ។
នៅពេលកំលាំងសមត្ថកិច្ចនាំគ្នារើឈើចេញពីផ្លូវ ក្រុមឈ្មួញបានរារាំងមិនអោយរើចេញ ហើយមានការរុញច្រានគ្នាទៅវិញទៅមក ហើយមានរថយន្តសាំងយ៉ុងដឹកឈើបើករត់គេច ក៏បានកៀជាមួយនឹងរថយន្តរបស់លោក អៀ ហាក់មន្ត្រីរដ្ឋបាលព្រៃឈើសង្កាត់កន្ទួត។
លទ្ធផល ឃាត់រថយន្តម៉ាកសាំងយ៉ុងចំនួន០២គ្រឿង ១(ពណ៍ស្លែ ពាក់ផ្លាកលេខភ្នំពេញ2T-3414) ២(ពណ៍ស្លែ ពាក់ផ្លាកលេខភ្នំពេញ 2AC-2750)ដែលដឹកជញ្ជូនឈើអា (ប្រភេទជន្លង់) ចំនួនសរុប២៧០ដើម។
បច្ចុប្បន្ន និងវត្ថុតាងយកមករក្សាទុកនៅមូលដ្ឋានកងរាជអាវុធហត្ថក្រុងក្រចេះ ៕
