ខេត្តបន្ទាយមានជ័យ ៖ នៅថ្ងៃច័ន្ទ ទី១៤ ខែធ្នូឆ្នាំ២០២០នេះ លោកឧត្តមសេនីយ៍ទោ សិទ្ធ ឡោះ ស្នងការនគរបាលខេត្តបន្ទាយមានជ័យ បានចង្អុលបង្ហាញលោកឧត្ដមសេនីយ៍ត្រី នូ ជីវ័ន្ត ស្នងការរងផែនការងារនគរបាលព្រហ្មទណ្ឌបានបញ្ជាឲ្យក្រុមអន្តរាគមន៍ផែនព្រហ្មទណ្ឌ សហការណ៍ជាមួយកំលាំងនគរបាលក្រុងសិរីសោភ័ណដឹកនាំដោយ លោកផ្ទាល់ ចុះបង្ក្រាបក្មេងទំនើង១ក្រុម ក្នុងនោះមាន បង្ហោះម៉ូតូ ម៉ូតូដាក់ស៊ីម៉ាំងកែច្នៃ ស៊ីម៉ាំងប្រែន វាយតបគ្នាហើយបានឃាត់យកមកស្នងការដ្ឋានដើម្បីដកហូតបំពង់ស៊ីម៉ាំងកែច្នៃរក្សាទុក និងប្ដូរដាក់ស៊ីម៉ាំងធម្មតាវិញ។
លោកឧត្ដមសេនីយ៍ត្រី នូ ជីវ័ន្ត បានប្រាប់ អ្នកយកព័ត៍មានឲ្យដឹងថា ការបង្ក្រាបក្មេងទំនើងទាំងអស់ នេះគឺដើម្បី ថែរក្សាសណ្តាប់ធ្នាប់ នៅក្នុងមូលដ្ឋានបង្កចលាចលអស្ថេរភាពនៅតាមដងផ្លូវសាធារណៈបង្កឡើងដោយក្រុមក្មេងទំនើងទាំងនេះ ពិសេសគឺទប់ស្កាត់ការបង្កគ្រោះថ្នាក់ចរាចរណ៍ទើបលោកដឹកនាំបង្ក្រាប។
លោកឧត្ដមសេនីយ៍ត្រី នូ ជីវ័ន្ត បានបញ្ជាក់ឲ្យដឹងបន្តទៀតថាការបង្ក្រាបករណីក្មេងទំនើងតែងតែបង្ហោះម៉ូតូតាមទីសាធាណៈ ក្រុមក្មេងទំនើងទាំងនេះ កម្លាំងនគរបាលក្រុងបានធ្វើការអប់រំ និងធ្វើកិច្ចសន្យា រួចកោះហៅឪពុកម្តាយឬអាណាព្យាបាលមកធ្វើការធានាយកទៅអប់រំបន្ត តែ បើមានជាលើកក្រោយទៀត នគរបាលនិងអនុវត្តតាមវិធានការដ្ឋបាលប្រហែលបញ្ជូនទៅដេកគុកក៏ថាបាន៕
