មណ្ឌលគិរី ៖ កម្លាំងចំរុះខេត្តមណ្ឌលគិរីបានធ្វើប្រតិបត្តិការឡោមពាត់ចាប់អ្នកញៀនល្បែង (យូគី) មួយកន្លែងស្ថិតក្នុងភូមិចំបក់ សង្កាត់ស្ពានមានជ័យ ក្រុងសែនមនោរម្យ ។
តាមប្រភពព័ត៌មានពីមន្ត្រីប៉ូលិសម្នាក់ដែលបានចុះប្រតិបត្តការផ្ទាល់បានឲ្យដឹងថា ក្រោយពីទទួលបានព័ត៌មានពីប្រជាពលរដ្ឋដែលនៅជិតកន្លែងលេងនោះភ្លាម សមត្ថកិច្ចបានធ្វើការសហការគ្នា ដើម្បីចុះបង្ក្រាបកន្លែងលេងភ្លាមៗផងដែរ ។ ពេលទៅដល់កន្លែងកើតហេតុ កម្លាំងចំរុះបានធ្វើការឃាត់ខ្លួនអ្នកលេងល្បែងចំនួន០៣នាក់ ទី១ ឈ្មោះ តែ លីជី ភេទប្រុស អាយុ៣១ឆ្នាំ ទី២ ឈ្មោះ សាន គឹមស៊ាន ភេទប្រុសអាយុ៤៥ឆ្នាំ និង ទី៣ឈ្មោះ ពេជ្រ ស៊ីឡុង ភេទប្រុស អាយុ១៩ឆ្នាំ ព្រមទាំងវត្ថុតាងមួយចនួនទៀតរួមាន ផ្ទាំងរូបយូគី០១ផ្ទាំង ក្រដាស់មានរូបសំរាប់ចាក់(ភ្នាល់) និង ម៉ូតូC125 ចំនួន០២គ្រឿង។
ជនសង្ស័យ និង វត្ថុតាងទាំងអស់ ត្រូវបានកងកម្លាំងចំរុះកំពុងសាកសួរ ដើម្បីករសាងសំណុំរឿងបញ្ជូនទៅតុលាការធ្វើការដោះស្រាយទៅតាមនីតិវិធីច្បាប់ ៕
ដោយ ៖ គឹម ចំរើន
