ភ្នំពេញ ៖ នៅថ្ងៃទី ១៦ មករា ២០១៥ វេលាម៉ោង ១១ និង ៣០នាទី ក្រុមស្រាវជ្រាវផ្នែកព្រហ្មទណ្ឌ នៃអធិការដ្ឋាននគរបាលខណ្ឌឬស្សីកែវ បានបើកកិច្ចប្រតិបត្តិការង្ក្រាបមុខសញ្ញាជួញដូរគ្រឿងញៀន យ៉ាងសកម្មម្នាក់ ឈ្មោះ ហ្វៀង ធីទៀតម៉ាយ ភេទស្រី អាយុ ៤០ ឆ្នាំ ជនជាតិវៀតណាមនៅចំនុច ផ្ទះគ្មានលេខ ផ្លូវលំក្រុម ៧ ភូមិលូ សង្កាត់ស្វាយប៉ាក ខណ្ឌឬស្សីកែវ ដោយដកហូតគ្រឿងញៀនចំនួន ៧ កញ្ចប់ និងវត្ថុតាងបំរើសកម្មភាពមួយចំនួនទៀត ។ យើងខ្ញុំសូមជំរាបផងដែរថា ចំពោះមុខសញ្ញាមួយនេះ គឺជាមេក្លោងជួញដូរគ្រឿងញៀន ប្រចាំតំបន់ហើយការប្រព្រឹត្តសកម្មភាព គឺមានភាពស្ទាត់ជំនាញ និងមានបក្សពួកច្រើននាក់សំរាប់ចេញមុខចែកចាយជំនួស ហើយទំរាំសមត្ថកិច្ចយើងខ្ញុំឈានដល់បើកការបង្ក្រាបមុខសញ្ញានេះបាន គឺប្រើរយៈពេលជាង ៣ សប្តាហ៍ ដើម្បីធ្វើការស្រាវជ្រាវ និងរៀបចំធ្នាក់ ។
ក្នុងនោះ សូមគោរពអរគុណជូនចំពោះលោកអធិការនគរបាលខណ្ឌឬស្សីកែវ ដែលលោកបានដាក់បទបញ្ជាអោយបើកការស្រាវជ្រាវបង្ក្រាបមុខសញ្ញាមួយនេះអោយខានតែបាន ព្រមទាំងផ្តល់់គោលការណ៍ដឹកនាំ និងសម្រួលភាពខ្វះខាតនានា រហូតឈានដល់ការទទួលបានសមិទ្ធផលនេះ ៕
