ព្រៃវែង ៖ កាលពីយប់ថ្ងៃទី ១៦ មករា ២០១៦ មានករិណីចោរមួយក្រុមបានបំពុលឆ្កែប្រជាពលរដ្ឋចំនួន ៤ ខ្នងផ្ទះ ងាប់ឆ្កែចំនួន ៩ ក្បាល វេលាម៉ោង ០៤ ទាបភ្លឺ ដែលករណីនេះបានកើតឡើង នៅភូមិសាគុណ ឃុំជ្រៃស្រុកស្វាយអន្ទរ ខេត្តព្រៃវែង ។
បើតាមប្រភពពីម្ចាស់ផ្ទះដែលឆ្កែងាប់ ៤ ក្បាល ឈ្មោះ ថោ សុខុម អាយុ ៤០ ឆ្នាំ ប្រពន្ធឈ្មោះ អ៊ីម ចាន់លី បានបញ្ជាក់ប្រាប់អ្នកយកព័ត៌មានថា យប់មិញ មានល្ខោនលេងនៅវត្តជ្រៃ ភូមិខាងកើត ភូមិខ្ញុំ លុះត្រឡប់មកមកពីមើលល្ខោនវិញ ក៏ឃើញមានឆ្កែងាប់រួចអ្នកជិតខាងក៏មានឆ្កែងាប់រូបខ្ញុំថោសុខុម ក៏តេទៅប្រាប់មេប៉ូស្ដិ ហើយក៏តេទៅអេប៊ីស៊ី ក៏ប៉ុន្តែជាអកុសល ការផ្ដល់ពត៌មាននេះពុំមានឃើញមានសម្ថកិច្ច ឬអាជ្ញាធរណាមកជិតឡើយ សូម្បីតែលោកមេភូមិ ក៏មិនឃើញផង ។
ទាំងនេះសបញ្ជាក់ឲ្យឃើញថា អាជ្ញាធរមានសមត្ថកិច្ចទាំងអស់ ក្នុងឃុំ ពុំដែលគិតដល់ប្រជាពលរដ្ឋទេឯណា ។ ពាក្យដែលថា ភូមិឃុំមានសុវត្ថិភាពទាំងប្រាំបួន ចំនុច របស់រាជរដ្ឋាភិបាល ដែលដាក់ឲ្យថ្នាក់ក្រោមជាតិអនុវត្តនោះ បើក្នុងភូមិនិមួយៗរបស់ឃុំមានសុទ្ធល្បែងស៊ីសង បៀអាប៉ោង កន្ទុយលេខ ។ ជាក់ស្ដែងនៅក្នុងឃុំជ្រៃនេះជាគំរូស្រាប់ ដែលមានភស្តុតាងក្នុងរូបថតអាវពណ៌ក្រហមពាក់មួក ជាប្រពន្ធអនុប៉ុស្ដិ៍រដ្ឋបាលជ្រៃ ជាអ្នកកាងល្បែងស៊ីសង និងជាអ្នកប្រមូលលុយ យកឲ្យអធិការ ម្ល៉ោះហើយ ឃុំមានល្បែងស៊ីសងខ្លាំងជាងគេតជំនាន់ជាង ២០ ឆ្នាំមកហើយ ។ សព្វថ្ងៃនេះគ្រាន់តែមេកញ្ច្រែងកន្ទុយលេខមានជាង ៥០ នាក់ក្នុងឃុំមួយនេះ ដែលមានឯកសារខាងក្រោម ៕
ថោង មុនី រាយការណ៍ពីព្រៃវែង
