ខេត្តកំពង់ឆ្នាំង ៖ ជាក់ស្ដែង កាលពីថ្ងៃទី១៣ ខែមករា ឆ្នាំ២០១៦ មានរថយន្តយីឌឃីឌុបមួយគ្រឿង បានដឹកឈើពេញរថយន្ត់មកទម្លាក់អោយស្តង់លក់ឈើមួយនៅភូមិពន្លៃ ឃុំពន្លៃ ស្រុកបរិបូរណ៍ ខេត្តកំពង់ឆ្នាំង តាមការអះអាងរបស់តៃកង់រថយន្តថា ជារបស់ក្រុមហ៊ុនMDS របស់លោកឧកញ្ញាទ្រីភាព ដែលមានទីតាំងក្រុមហ៊ុនស្ថិតនៅចំការជ្រៃ ក្នុងឃុំអន្លុងរា ស្រុកវាលវែង ខេត្តពោធីសាត់ ដឹកយកមកលក់ចែកចាយតាមស្តង់ឬដេប៉ូលក់ឈើនៅក្នុងខេត្តកំពង់ឆ្នាំង។
គួរំលឹកថា លោកឧកញ្ញាទ្រីភាព ធ្លាប់បានប្រកាស់ថា ក្រុមហ៊ុនរបស់លោកត្រវបានបញ្ឈប់ការធ្វើអាជីវកម្មព្រៃឈើនៅខេត្តពោធិ៍សាត់និងខេត្តនានាក្នុងប្រទេស ។
បើតាមក៏បានអះអាងថា ក្រុមហ៊ុនរបស់លោកឧកញ៉ាទ្រីភាពបានផុតសុពលភាពអាជ្ញាប័ណ្ណហើយ ។
បើតាមការអោយដឹងពីម្ចាស់ឈើ ដែលនាមលេខទូរស័ព្ទ០៩៥៥០០៣៦៨ បានឱ្យដឹងថា រូបគាត់ជាអាជីវករគាត់អត់ដឹងអ្វីទេ អោយតែឈើមានច្បាប់ PC គាត់មានសិទ្ធិទិញ ។ ចំណែកលោក ជា ហួត នាយផ្នែករដ្ឋបាលព្រៃឈើស្រុកវាលវែងបានអោយដឹងថា លោកអត់ដឹងទេ ព្រោះទីតាំងក្រុមហ៊ុននៅចំការជ្រៃឃុំអន្លុងរាបនោះ វាផុតពីដីមេព្រៃហើយ បើចង់ដឹងសួរទៅខាងបរិស្ថានទៅ ។ សួរថា បើលោក ជា ហួត ឆ្លើយថាអត់ដឹង ចុះនៅពេលឈើដឹកចេញតើអ្នកណាចេញច្បាប់ PC អោយ ឬក៏លោកឧកញ្ញាទ្រី ភាពមានអាជ្ញាប័ណ្ណបន្ត ឬមួយក៏មានជនខិលខូចឃុបឃិតគ្នាលួចធ្វើ ហើយយកឈ្មោះក្រុមហ៊ុនទ្រីភាព មកលាបពណ៌ ។ បើក្រុមហ៊ុន MDS របស់លោកឧកញ៉ា ទ្រីភាព មានអាជ្ញាប័ណ្ណពីរាជរដ្ឋាភិបាលមកធ្វើអាជីវកម្មបន្ត ហេតុអ្វីមិនប្រកាសអោយមហាជនដឹងផង ព្រោះនៅខេត្តពោធិសាត់អត់មានអ្នកដឹងថា ក្រុមហ៊ុនទ្រីភាពមានអាជ្ញាប័ណ្ណបន្តនោះទេ ។ គេគ្រាន់តែដឹងត្រឹមថា លោកឧកញ៉ាទ្រីភាពប្រកាស់បិតតែប៉ុណ្ណោះ៕
