ខេត្តបាត់ដំបង ៖ កម្លាំងផ្នែកប្រឆាំងគ្រឿងញៀនសហការជាមួយកម្លាំងប៉ុស្តិ៍នគរបាលរដ្ឋបាលបួរនៃអធិការដ្ឋាននគរបាលស្រុកភ្នំព្រឹក បានបើកកិច្ចប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនមួយករណីក្នុងបទល្មើសជាក់ស្តែង។
លោកវរសេនីយ៍ទោ សុខ និមល នាយការិយាល័យប្រឆាំងគ្រឿងញៀនបានប្រាប់អោយដឹងថា នៅក្នុងកិច្ចប្រតិបត្តិការខាងលើនេះបានធ្វើឡើងនៅវេលាម៉ោង ២២និង៥០នាទី ថ្ងៃទី០៦ ខែវិច្ឆិកា ឆ្នាំ២០១៩ នៅចំណុចក្រុមទី១១ ស្ថិតក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។
លោកបន្តថា ជាមួយគ្នាទៅនឹងកិច្ចប្រតិបត្តិការនេះដែរ នៅក្នុងបទល្មើសជាក់ស្តែងសមត្ថកិច្ចជំនាញបានធ្វើការឃាត់ខ្លួនជនសង្ស័យចំនួន០២នាក់
០១-ឈ្មោះ សន មករា ហៅ ធូ ភេទប្រុស អាយុ២០ឆ្នាំ រស់នៅភូមិស្នួល ឃុំពេជ្រចិន្តា ស្រុកភ្នំព្រឹក
០២-ឈ្មោះ ឆើយ គឹមហួរ ភេទប្រុស អាយុ២២ឆ្នាំ រស់នៅភូមិបុស្សស្អំ ឃុំពេជ្រចិន្តា ស្រុកភ្នំព្រឹក។
ជាមួយវត្ថុតាងចាប់យកបានរួមមាន! -ថ្នាំញៀនប្រភេទមេតំហ្វេតាម៉ីន(ម៉ាទឹកកកICE)ចំនួន ១៥កញ្ចប់ទម្ងន់ ១,៧២ក្រាម -ទូរស័ព្ទដៃចំនួន០១គ្រឿង។
បច្ចុប្បន្ន ជនសង្ស័យទាំង០២នាក់រួមជាមួយវត្ថុតាងត្រូវបានសមត្ថកិច្ចការិយាល័យជំនាញបានរៀបចំសំណុំឯកសារដើម្បីបញ្ជូនបន្តទៅកាន់តុលាការចាត់ការតាមនីតិវិធី ៕
