(ខេត្តកែប)៖ នៅរសៀលថ្ងៃទី០៥ ខែវិច្ឆិកា ឆ្នាំ២០១៩ យុវជនស្រលាញ់សន្តិភាពខេត្តកែប បានធ្វើការជួបជុំសមាជិកសមាជិការទាំងអស់ ដេីម្បីទទួលទានអំបុកសន្តិភាពការពារ ជាតិ សាសនា ព្រះមហាក្សត្រ នៅទីធ្លាវត្តសត្ថាធម្មវិហារ ហៅវត្តភ្នំពោន ដឹកនាំដោយ លោក សុទ្ធ ពុទ្ធិម៉ានីន ប្រធានប្រតិបត្តិសម្ពន្ធយុវជនស្រលាញ់សន្តិភាពសាខាខេត្តកែប ព្រមទាំងមានការអញ្ជើញចូលរួមជាកិត្តិយស ដោយលោក កែន សត្ថា អភិបាលខេត្តកែប និងលោក សោម ពិសិដ្ឋ អភិបាលរងខេត្ត និងជាប្រធានកិត្តិយសសម្ពន្ធយុវជនស្រលាញ់សន្តិភាពសាខាខេត្តកែប សមាជិកសមាជិកានិងប្រជាពលរដ្ឋ សរុបប្រមាណ ១៥០០នាក់ ។
ក្នុងការជួបជុំនេះ គឺបញ្ជាក់ពីសម្លេងស្រែកចេញពីបេះដូងរបស់យុវជនខេត្តកែប ដោយប្តេជ្ញាការពារ គាំទ្រសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃកម្ពុជា ជារៀងរហូត។
ក្នុងគ្រានេះពួកគាត់បានបញ្ជាក់យ៉ាងដូច្នេះថា «យើងខ្ញុំជាយុវជន ខេត្តកែប! ប្តេជ្ញាការពារ គាំទ្រសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃព្រះរាជាណាចក្រកម្ពុជា ជារៀងរហូត។
ពិសារអំបុកសាមគ្គី គឺដើម្បីការពាជាតិ សាសនាព្រះមហាក្សត្រ និងប្រឆាំងដាច់ខាតចំពោះទង្វើរបស់ ទណ្ឌិតក្បត់ជាតិ សម រង្ស៊ី និងបក្ខពួកដែលប៉ុនប៉ងបំផ្លាញសន្តិភាព ធ្វើរដ្ឋប្រហារផ្តួលរំលំរាជរដ្ឋាភិបាលស្របច្បាប់ ដែលកើតចេញពីការបោះឆ្នោត ជាពិសេសផ្តួលរំលំ របបរាជានិយមអាស្រ័យរដ្ឋធម្មនុញ្ញ នៃព្រះរាជាណាចក្រកម្ពុជា៕ សេង ណារិទ្ធ
