បាត់ដំបង៖ នៅព្រឹកថ្ងៃទី១ ខែវិច្ឆិកា ឆ្នាំ២០១៩ កម្លាំងប្រដាប់អាវុធចំនួន៣ស្ថាប័ន រួមមានកម្លាំងនគរបាល កងរាជអាវុធហត្ថ និងកងខេមរភូមិន្ទ
មកជួបជុំនៅស្នងការដ្ឋាននគរបាលខេត្តបាត់ដំបង ដើម្បីត្រៀមរៀបចំ ការពារ សណ្តាប់ធ្នាប់អោយបានល្អ ស្របពេលលោកសម រង្ស៊ី ប្រកាសចូលស្រុកវិញ តាមច្រកព្រំដែនកម្ពុជា-ថៃ។
ការជួបជុំនេះមានការចូលរួមដោយ លោកងួន រតនៈ អភិបាលខេត្តបាត់ដំបង លោកស្នងការ ស្នងការរង និងនាយទាហាន មន្ត្រីក្រោមឱវាទ ជាង៤០០នាក់។
លោក ងួន រតនៈ អភិបាលខេត្តបាត់ដំបងបានមានប្រសាសន៍ថា៖ការជួបជុំគ្នារវាងកងកម្លាំងទាំង៣ស្ថាប័ននេះ គឺជាកងអន្តរាគមន៍ ដើម្បីទប់ស្កាត់ ការពារ កុំអោយមានភាពចលាចល ក្នុងខេត្តបាត់ដំបង។
ដោយឡែក បើយើងសង្គេតមើលទឹកមុខនិងទឹកចិត្តប្រជាពលរដ្ឋដែលរស់នៅក្នុងខេត្តបាត់ដំបងមានការគាំទ្រ និងជឿជាក់ចំពោះសមត្ថកិច្ចថានឹងមានសមត្ថភាពគ្រប់គ្រាន់ដើម្បីការពារ រាជរដ្ឋាភិបាលកម្ពុជា មិនអោយមានរឿងអ្វីកើតឡើង ខណះលោកទណ្ឌិតសម រង្ស៊ី ប្រកាសក្តែងៗតាមប្រព័ន្ធផ្សព្វផ្សាយនានា ថានឹងវិលត្រឡប់មកកម្ពុជាវិញដើម្បីផ្តួលរំលំរាជរដ្ឋាភិបាល ដែលកំពុងមានសុខសន្តិភាព៕
(ដោយ គេហទំព័រ កម្ពុជាអភិវឌ្ឍន៍)
www.Kap-news.com
077797952/0887797952
WhatsApp=012580455
