កម្លាំង​អាវុធហត្ថ​ក្រុង​បង្ក្រាប​ឃាត់​ជនសង្ស័យ​សេព​គ្រឿងញៀន ០៦ នាក់​នៅ​តំបន់​ត្រពាំង​ឈូក​

​ភ្នំពេញ ៖ ជនសង្ស័យ ចំនួន​06​នាក់ ជាប់​ពាក់ព័ន្ធ​ទៅនឹង​ករណី សេព​គ្រឿងញៀន​និង បង្ក​អសន្តិសុខ​ក្នុង​មូលដ្ឋាន ត្រូវបាន​កម្លាំង​អាវុធហត្ថ  កម្លាំង​អាវុធហត្ថ​ក្រុងភ្នំពេញ ចុះ​ប្រតិបត្តិការ​បង្ក្រាប​ចាប់​ឃាត់ខ្លួន​បាន រួម​ទាំង​វត្ថុតាង កាលពី​វេលា​ម៉ោង​6 ព្រឹក​ថ្ងៃ​ទី​21 ខែ​ធ្នូ ឆ្នាំ​2015 ស្ថិតនៅ​ក្រុម​11 ក្នុង​ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ ។​
​
ជនសង្ស័យ​ឃាត់ខ្លួន​បាន​ទាំង​06​នាក់ :  ទី​១-​ឈ្មោះ​ហេង ពៅ ភេទ​ប្រុស អាយុ​15​ឆ្នាំ មុខរបរ​មិន​ពិតប្រាកដ ។
​ទី​២-​ឈ្មោះ រុំ​សំណាង ភេទ​ប្រុស អាយុ​16​ឆ្នាំ មុខរបរ មិន​ពិតប្រាកដ ។ ​ទី​៣-​ឈ្មោះ ឡាយ​ស៊ី​ចាន់ ភេទ​ប្រុស អាយុ​18​ឆ្នាំ មុខរបរ មិន​ពិតប្រាកដ ។ ​ទី​៤-​ណាក់​សុខ​ដែន ភេទ​ប្រុស អាយុ​16​ឆ្នាំ មុខរបរ មិន​ពិតប្រាកដ ។
​ទី​៥-​ឈ្មោះ សំ​សេរី​ថា​ណុ​ច ភេទ​ប្រុស អាយុ​19​ឆ្នាំ មុខរបរ មិន​ពិតប្រាកដ ។​ ​និង​ទី​6-​ឈ្មោះ បែ កាត់​ស៊ី​ង អាយុ 19​ឆ្នាំ​មុខរបរ​នឹង​ស្នាក់នៅ​មិន​ពិតប្រាកដ​។​ ​ក្រៅ​ពី​ឃាត់ខ្លួន​ជនសង្ស័យ​បាន​ទាំង​06​នាក់​ខាងលើ សមត្ថកិច្ច​ដកហូត​បា​ន គ្រឿងញៀន 02​កញ្ចប់​តូច​នឹង​សំភារៈ​សម្រាប់​សេព​គ្រឿងញៀន​​មួយចំនួនទៀត​។​
​
ជនសង្ស័យ​ទាំង​06​នាក់ បន្ទាប់​ពី​ឃាត់ខ្លួន​បាន នាំ​ទៅ​ធ្វើ​ការសាកសួរ​នៅ ផ្នែក​ជំនាញ កងរាជអាវុធហត្ថ​ក្រុង​ភ្នំពេញ ដើម្បី​កសាង​សំណុំ​ចាត់ការ​ទៅតាម​និតិ​វិធី ៕