មណ្ឌលគិរី ៖ ក្រោយពីមានករណីពុលស្រាស នៅប៉ុន្មានថ្ងៃមុននេះ បង្កអោយមានមនុស្ស ស្លាប់ និង ពុលអាការៈធ្ងន់ធ្ងរ ទើបនៅរសៀលថ្ងៃ ទី១៧ ខែធ្នូ នេះ នៅភូមិ ខ្ទង់ ឃុំ ស្រែឈូក ខេត្តមណ្ឌលគិរី ត្រូវបានលោក មេភូមិ លោកមេក្រុមភូមិ និងកំលាំងប្រជាការពារភូមិ បានចូលរួម ប្រមាណ៥០នាក់ ។
គោលបំណងដែលបណ្តាលអោយមាន ការជួបជុំ នេះក៏ព្រោះតែឃើញពីផលវិបាកទាក់ទង និងការពិសាស្រាស ដែលមិនមានការពិនិត្យ និងបង្ហូរត្រឹមត្រូវតាមបែបបទរបស់ខ្មែរពីដើម ដោយសារដូវនេះ មានតំរូវការរបស់អ្នកពិសារស្រាច្រើន ដូច្នេះហើយការបិទបង្ហូរបៀបបូរាណមិនទាន់ ធ្វើអោយជនឆ្លៀតឱកាសមួយចំនួនបែកគំនិតទៅជារកវិធី ផ្សេងៗដូចជាលាយទឹកជាមួយវត្តុរាវផ្សេងទៀត អោយឆាប់មានជាតិអាកុលឆាប់ ឬក៏លាយទឹក ជាមួយសារាធាតុរាវ ផ្សេងទៀតអោយក្លាយជាស្រាតែម្ដងក៏មាន ។ នេះហើយជាដើមហេតុនាំអោយ ខុសបច្ចេកទេស ហើយអ្នករងគ្រោះជាប្រជាជនដែលមិនដឹងអីឯនោះវិញ។
ក្រោយការជួបជុំ សមាជិកទាំងអស់នឹងព្យាយាមអប់រំបន្តដល់អ្នកមិនបានចូលរួមអោយយល់ដឹងបន្ថែមពីផលវិបាកនៃកាពិសារស្រាស ដែលមិនមានការពិនិត្យត្រឹមត្រូវ និង ប្រភព្វច្បាស់លាស់ផង ៕
ដោយ ៖ ចិន្ដា
