(ខេត្តកំពត)៖ នៅព្រឹកថ្ងៃព្រហស្បតិ៍ ទី៨រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២២ ខែសីហា ឆ្នាំ២០១៩ លោក ប៉ឹល កុសល អភិបាលរងខេត្ត តំណាងលោក ជាវ តាយ អភិបាលនៃគណៈអភិបាលខេត្តកំពត បានដឹកនាំគណ:អភិបាលខេត្ត ចូលរួមក្នុងកិច្ចប្រជុំសាមញ្ញលើកទី៣ របស់ក្រុមប្រឹក្សាខេត្តអាណត្តិទី៣ ក្រោមអធិបតីភាព លោក ជឹង ផល្លា ប្រធានក្រុមប្រឹក្សាខេត្ត។
ក្នុងកិច្ចប្រជុំនាពេលនេះមានការអញ្ជើញចូលរួមពី លោក លោកស្រី សមាជិកក្រុមប្រឹក្សាខេត្ត អភិបាលរងខេត្ត លោក លោកស្រីនាយក នាយករងរដ្ឋបាលខេត្ត ប្រធានមន្ទីរ អង្គភាពជុំវិញខេត្ត កងកម្លាំងទាំងបីប្រភេទ នាយក នាយករងទីចាត់ការ ប្រធាន អនុប្រធានអង្គភាពចំណុះសាលាខេត្ត សរុប៧៥នាក់។
កិច្ចប្រជុំនាព្រឹកនេះប្រព្រឹត្តទៅតាមរបៀបវារៈដូចខាងក្រោម៖
១/-ពិនិត្យ និងអនុម័តលើរបៀបវារៈនៃកិច្ចប្រជុំសាមញ្ញលើកទី០៣ របស់ក្រុមប្រឹក្សាខេត្ត
២/-ពិនិត្យ និងអនុម័តលើកំណត់ហេតុនៃកិច្ចប្រជុំសាមញ្ញលើកទី០២ របស់ក្រុមប្រឹក្សាខេត្ត
៣/-ពិនិត្យ និងអនុម័ត លើសេចក្តីព្រាងរបាយការណ៍ប្រចាំខែកក្កដា ឆ្នាំ២០១៩ ស្តីពីការអនុវត្តការងារ របស់រដ្ឋបាលខេត្ត
៤/-ពិនិត្យ និងអនុម័ត លើការបែងចែកប្រាក់រង្វាន់លើកទឹកចិត្តជូនមន្ត្រីរាជការ
៥/-ពិនិត្យនិងអនុម័ត លើការបែងចែកតួនាទី ភារកិច្ច និងរបៀបរបបធ្វេីការងាររបស់គណ:អភិបាលខេត្ត
៦/-ពិនិត្យនិងអនុម័ត លើការកែសម្រួលឡើងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការសម្របសម្រួលបច្ចេកទេស។
៧/-ពិនិត្យនិងអនុម័ត លើការកែសម្រួលឡើងវិញនូវសមាសភាព នៃសេចក្តីសម្រេចស្តីពីគណៈកម្មាធិការលទ្ធកម្ម។
៨/-ពិនិត្យនិងអនុម័ត លើការកែសម្រួលឡើងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការពិគ្រោះយោបល់កិច្ចការស្ត្រីនិងកុមារ។
៩/-ពិនិត្យនិងអនុម័ត លើការកែសម្រួលឡើងវិញនូវសមាសភាព នៃសេចក្តីសម្រេច ស្តីពីក្រុមការងារកសាងផែនការ និងកម្មវិធីវិនិយោគ៣ឆ្នាំរំកិលខេត្ត។
១០/-ពិនិត្យនិងអនុម័ត លើការកែសម្រួលឡើងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការរៀបចំគម្រោងខេត្ត។
១១/-ពិនិត្យនិងអនុម័ត លើការកែសម្រួលឡើងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការគ្រប់គ្រងមណ្ឌលអភិវឌ្ឍន៍ធនធានមនុស្ស។
១២/-ពិនិត្យនិងអនុម័ត លើការកែសម្រួលឡើងវិញ នូវសមាសភាព នៃសេចក្តីសម្រេច ស្តីពីគណៈកម្មាធិការបោះឆ្នោតជ្រើសរើសប្រធាន អនុប្រធានការិយាល័យប្រជាពលរដ្ឋ។
១៣/- ពិនិត្យនិងអនុម័ត លើសចក្តីណែនាំ ស្តីពីការរៀបចំកម្មវិធីវិនិយោគខេត្ត។
១៤/-ពិនិត្យនិងអនុម័ត លើសំណើសុំកែសម្រួលគម្រោងខេត្ត ឆ្នាំ២០១៩ ផ្លូវពីស្តុបភូមិតាអេងដល់កីឡាលើទឹក ពីផ្លូវកៅស៊ូ AC មកជាផ្លូវបេតុងវិញ។
១៥/-បញ្ហាផ្សេងៗ៕ សេង ណារិទ្ធ
