បន្ទាយមានជ័យ៖ នាព្រឹកថ្ងៃសុក្រ ៧កើត ខែពិសាខ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី១០ ខែឧសភា ឆ្នាំ២០១៩ នៅសាលាខេត្តបន្ទាយមានជ័យ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ រួមជាមួយ ឯកឧត្តម កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន អញ្ជើញជាអធិបតីដ៏ខ្ពង់ខ្ពស់ ក្នុងពិធីប្រកាសផ្ទេរភារកិច្ច និងតែងតាំងមុខតំណែងអភិបាល អភិបាលរង នៃគណៈអភិបាលខេត្តបន្ទាយមានជ័យ ដោយមានការអញ្ជើញចូលរួមពីថ្នាក់ដឹកនាំក្រសួងមហាផ្ទៃ ព្រមទាំងថ្នាក់ដឹកនាំ និងមន្ត្រីរាជកាលក្នុងខេត្តជាច្រេីនផងដែរ។
ប្រកាសតែងតាំងឯកឧត្តម អ៊ំុ រាត្រី ជាអភិបាលនៃគណៈអភិបាលខេត្ត ជំនួសលោក សួន បវរ ដែលទទួលភារកិច្ចថ្មី នៅក្រសួងមហាផ្ទៃ និង ប្រកាសតែងតាំង លោក គឹម វណ្ណៈ ជាអភិបាលរងខេត្ត ។
