ពោធិសាត់ ៖ នៅថ្ងៃទី០ ៧ ខែឧសភា ឆ្នាំ២០១៩ ឯកឧត្តម នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បានអញ្ជើញចុះពិនិត្យការសាងសង់ស្ពាន ១ខ្សែ ប្រវែង៤៥ម៉ែត្រ ទទឹង៨ ៨ម៉ែត្រ ជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី ជូនប្រជាពលរដ្ឋរស់នៅក្នុងឃុំកញ្ជរ និងឃុំស្យា ស្រុកកណ្តៀង ខេត្តពោធិសាត់ ជាប្រយោជន៍ដល់ប្រជាពលរដ្ឋក្នុងឆ្លងកាត់ស្ទឹងពោធិសាត់។
ឯកឧត្តម សែម សុវណ្ណនី បញ្ជាក់ថា ស្ពានេះ គឺស្ថាបនាដោយកងកម្លាំងវិស្វកម្ម មួកខៀវកម្ពុជា ដែលកម្លាំងទាំងអស់ចុះធ្វើកម្មសិក្សាមុនចេញទៅបំពេញបេសកកម្មអង្គការសហប្រជាជាតិ នៅក្រៅប្រទេស ដែលមាននៅប្រទេសលីបង់ ម៉ាលី និងអាហ្វ្រិកកណ្តាលជាដើម។ ឯកឧត្តម បានណែនាំទៅកងកម្លាំងកម្មសិក្សាវិស្វកម្ម ត្រូវធ្វើការ និងត្រូវគិតពីសុវត្ថិភាពជាចំបង។
ក្នុងដំណើរចុះពិនិត្យ និងសួរសុខទុក ប្រជាពលរដ្ឋ រស់នៅអមស្ពាន ជាអំណោយរបស់សម្តេចតេជោ នេះ ឯកឧត្តម បាននាំយកអំណោយរបស់សម្តេច នាយករដ្ឋមន្ត្រី និងសម្តេកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នៅទឹកប្រាក់ ចំនួន២លានរៀល ជូនកម្លាំងជាកម្មសិក្សា ជូនប្រជាពលរដ្ឋនូវសារ៉ុង និងថវិកា ដែលសរុបសារ៉ុងចំនួន៣០០ និងថវិកាជិត៤លានរៀល៕
