(ភ្នំពេញ)៖ នារសៀល ថ្ងៃទី០៨ ខែមិថុនា ឆ្នាំ២០២៦ លោក ហែម សុវត្ថិ បានដឹកនាំក្រុមការងារ រួមទាំងសប្បុរសជន ជួបសំណេះសំណាលជាមួយឧត្តមសេនីយ៍ឯក ហែម ថា មេបញ្ជាការកងពលតូចលេខ៧០ តំណាង នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និងបានប្រគល់ម៉ូតូ ចំនួន ២០គ្រឿងបន្ថែម ដែលបានមកពីការកៀងគរសប្បុរសជន ឧបត្ថម្ភដល់កងទ័ពជួរមុខ តាមរយៈកងពលតូចលេខ៧០ បញ្ជាការដ្ឋានកងទ័ពជើងគោក សម្រាប់បែងចែកជាមធ្យោបាយប្រើប្រាស់នៅសមរភូមិជួរមុខ។
គួរបញ្ជាក់ថា កាលពីថ្ងៃទី២៣ ខែកុម្ភៈ ឆ្នាំ២០២៦ អំណោយរបស់លោក ហែម សុវត្ថិ និងលោកស្រី នេត ធីតាវិឈុណា រួមជាមួយសប្បុរសជន លើកទី១ បានប្រគល់ម៉ូតូជូនដល់ កងពលតូចលេខ៧០ ចំនួន៣២គ្រឿង និងលើកទី២ នៅថ្ងៃទី០៨ ខែមិថុនា ឆ្នាំ២០២៦ ចំនួន២០គ្រឿង សរុបទាំង ២លើក ចំនួន៥២គ្រឿង បន្ទាប់ពីបានប្រគល់ជូនរួចរាល់លោកបានសន្យាបន្តផ្ដល់ជំនួយបន្ថែមទៀតតាមតម្រូវការចាំបាច់ របស់កងពលតូចលេខ៧០ ដើម្បីចូលរួមចំណែកគាំទ្រស្មារតីជាតិ និងលើកទឹកចិត្ត ដល់វីរកងទ័ពដែលកំពុងឈរជេីងការពារបូរណភាពទឹកដីនៅតាមខ្សែបន្ទាត់ព្រំដែនកម្ពុជា-ថៃ៕
