កំពង់ធំ ៖ នៅយប់ថ្ងៃទី25.3.2019.វេលាម៉ោង9.45នាទីមានមានកាឡេថងដឹកឈើមូល2គ្រឿងបើកកាត់មុខស្នាក់ការមេព្រៃ គល់ស្ពានបាក់ស្នារយ៉ាងរំភើយ ចំនែកលោក ឈាង មាលា បានត្រឹមឈរមើលតែប៉ុន្នោះ សង្ស័យត្រូវថ្នាំរបស់ឈ្មួញដឹកឈើរួចហើយតាមមើលបានជាក្រុមឈ្មួញហ៊ាន់បើកកាត់មុខបែបនេះ នាពេលបច្ចុប្បន្ននេះតំបន់ព្រៃអង់តែនដែលជាព្រៃសំរាប់រង្វាស់ទឹកវាលទំនាបអាសុីម៉ូសុងទន្លេមេគង្គនៃប្រទេសកម្ពុជាកំពង់ទទួលរងនូវការកាប់បំផ្លាញដឹកជញ្ជូនពីសំណាក់ពួកឈ្មួញក្រុមកាឡេថងប្រមាណជាងបួនភូមិគឺភូមិ ទក់ ល្អក់ ត្រពាំងព្រីង តាមុិញ ដែលស្ថិតក្នុងឃុំក្រយា ស្រុកសន្ទុក ខេត្តកំពង់ធំ។យោងតាមប្រភពពត៌មានពីប្រជាពលរដ្ឋរស់នៅក្បែតំបន់ព្រៃអង់តែនបាននាំគ្នារឹះគន់ទៅលើជំនាញរដ្ឋបាលព្រៃឈើសង្កាត់ក្រយា ដែលមានលោក ឈាង មាលា ជានាយសង្កាត់ នាពេលបច្ចុប្បន្នគ្មានចំណាត់ការទប់ស្កាត់ និងបង្ក្រាបឡើយ។
ពាក់ព័ន្ធនឹងការរឹះគន់ការកាប់បំផ្លាញ និងដឹកជញ្ជូនពីពួកឈ្មួញខាងលើនេះអ្នកយកពត៌មានយើងបានធ្វើការទំនាក់ទំនងទូរស័ព្ទទៅលោក ឈាង មាលា នាយសង្កាត់ដើម្បីសុំការបំភ្លឺ តែទូរស័ព្ទចូលហើយគ្មានអ្នកលើកទទួល មិនដឹងថារឿងការរឹះគន់ពីសំណាក់មតិមហាជនរឹះគន់ទៅលើលោក ឈាង មាលា ថាមានការបើកដៃទៅអោយពួកឈ្មួញចូលកាប់បំផ្លាញព្រៃអង់តែនយ៉ាងអនាធិប្បតេយ្យបែបនេះ។តែមតិមហាជនមួយចំនួនទៀតបាននិយាយរឹះគន់ចំៗទៅលើសមត្ថកិច្ចដែលឈរជើងនៅតាមដងផ្លូវចាប់ពីចំនុចផ្លូវបំបែក 44 ទៅដល់ផ្សារកំពង់ថ្ម អ្នកទាំងនេះគេមិនដែលឃើញមានការទប់ស្កាត់ និងបង្ក្រាបបទល្មើសការកាប់បំផ្លាញនឹងដឹកជញ្ជូនផលនិងអនុផលព្រៃឈើចេញពីតំបន់ព្រៃអង់តែនម្តងណាឡើយ។
តើលោក ប៊ុន សុធី នាយខ័ណ្ឌរដ្ឋបាលព្រៃឈើកំពង់ធំ.បានដឹងហើយឬនៅចំពោះលោក ឈាង មាលា ដែលបើកភ្លើងខៀវអោយគ្រុមឈ្មួញបើកកាត់មុខស្នាក់ការបែបនេះ? សព្វថ្ងៃនេះព្រៃអង្តែនត្រូវបានពួកក្រុមកាឡេថងបួនភូមិខាងលើកំពុងមានការកាប់បំផ្លាញ និងដឹកជញ្ជូនរាល់ថ្ងៃរាល់យប់យកទៅលក់អោយពួកអ្នកដាក់ម៉ាស៊ីនថាសជ្រៀកឈើអត់ច្បាប់នៅភូមិកំពង់ស្ដេច ស្រុកបារាយណ៍ ដែលក្រោមការគ្រប់គ្រោងរបស់លោក ហេង កាម៉ិច នាយសង្កាត់រដ្ឋបាលព្រៃឈើបារាយណ៍នាពេលបច្ចុប្បន្នត្រូវបានមតិមហាជនរឹះគន់ពេញៗមាត់ថាលោក ហេង កាម៉ិច នាយសង្កាត់រូបនេះមិនដែលឃើញចុះទៅធ្វើការទប់ស្កាត់ និងបង្ក្រាប ម៉ាស៊ីនថាសជ្រៀកឈើខុសច្បាប់ខាងលើនោះទេ ឬមួយលោក ហេង កាម៉ិចអង្គុយចាំទទួលផលពីបទល្មើសទាំងនោះ ។
ពាក់ព័ន្ទរឿងរ៉ាវបទល្មើសការកាប់បំផ្លាញតំបន់ព្រៃអង់តែននេះបងប្អូនប្រជាពលរដ្ឋក្នុងខេត្តកំពង់ធំបានទទូចសុំសំណូមពរទៅឯកឧត្តម សុខ លូ អភិបាលនៃគណៈអភិបាលខេត្តកំពង់ធំ ជួយហៅមន្ត្រីពាក់ព័ន្ធខាងលើទៅធ្វើការណែនាំ និងងូតទឹកដុសក្អែលអោយផង ៕
