លោកឧត្តមសេនីយ៍ទោ អ៊ុង សុភាព ស្នងការនៃស្នងការដ្ឋាននគរបាលខេត្តរតនគិរី ដឹកនាំនគរបាលជំនាញ អញ្ជើញចូលរួម “កិច្ចប្រជុំបន្ទាន់នៃគណៈបញ្ជាការឯកភាពខេត្ត ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) និងពិនិត្យតាមដានស្វែងរកទីតាំងប្រមូលផ្តុំនៃក្រុមឧក្រិដ្ឋជនឆរបោក”

រតនគិរី៖ អនុវត្តតាមប្រសាសន៍ណែនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងបញ្ជាដឹកនាំដ៏ខ្ពង់ខ្ពស់របស់សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅរសៀលថ្ងៃអាទិត្យ ៨កើត ខែជេស្ឋ ឆ្នាំមមី អដ្ឋស័ក ពុទ្ធសករាជ២៥៧០ ត្រូវនឹងថ្ងៃទី២៤ ខែឧសភា ឆ្នាំ២០២៦ លោកឧត្តមសេនីយ៍ទោ អ៊ុង សុភាព ស្នងការនៃស្នងការដ្ឋាននគរបាលខេត្តរតនគិរី បានដឹកនាំស្នងការរងទទួលដឹកនាំជំនាញ និងនាយការិយាល័យជំនាញពាក់ព័ន្ធ អញ្ជើញចូលរួម “កិច្ចប្រជុំបន្ទាន់នៃគណៈបញ្ជាការឯកភាពខេត្ត ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) និងពិនិត្យតាមដានស្វែងរកទីតាំងប្រមូលផ្តុំនៃក្រុមឧក្រិដ្ឋជនឆរបោក” ក្រោមអធិបតីភាពដឹកនាំកិច្ចប្រជុំ ឯកឧត្តម ញ៉ែម សំអឿន អភិបាលនៃគណ:អភិបាលខេត្តរតនគិរី ក្នុងកិច្ចប្រជុំមានវត្តមាន អភិបាលរងខេត្ត ព្រមទាំងប្រធានអង្គភាពពាក់ព័ន្ធរួមមាន មេបញ្ជាការតំបន់ប្រតិបត្តិការសឹករងខេត្ត មេបញ្ជាការកងរាជអាវុធហត្ថខេត្ត​ អធិការនគរបាលក្រុងស្រុក​ មេបញ្ជាការវរនគរបាលការពារព្រំដែន​ រួមជាមួយសមាសភាពមួយចំនួនទៀត​ ដោយកិច្ចប្រជុំដ៏មានសារៈសំខាន់បំផុតនេះប្រព្រឹត្តទៅនៅសាលប្រជុំនៃរដ្ឋបាលខេត្តរតនគិរី។