ក្រុងប៉ោយប៉ែត៖ បែកធាយរឿងមួយទៀតហើយ (ក្លឹបកំសាន្ត ឡាហ្វីរ៉ា) មានរឿងអាស្រូវ ពីករណី ត្រូវបានលោកឧត្តមសេនីយ៍ទោ អាត់ខែម ស្នងការខេត្តបន្ទាយមានជ័យ ដោយមានការសម្របសម្រួល ពីព្រះរាជអាជ្ញាខេត្ត ទើបឈានដល់់ធ្វើការបង្ក្រាបគ្រឿងញៀន រួចមកត្រូវបានបិទមួយរយ: ជិត៣ខែ ក្រោយមក (មជ្ឈមណ្ឌលកំសាន្ត ឡាហ្វីរ៉ា) បានបើកដំណើរការវិញដូចរឿងថ្លុកល្ខោនចឹង.!។
គួរបញ្ជាក់ផងដែលថា៖ (មជ្ឈមណ្ឌលកំសាន្ត ឡាហ្វីរ៉ា)ត្រូវបានព្រះរាជអាជ្ញាខេត្តបន្ទាយជ័យ ចេញលិខិតអោយបិទមិនអោយដំណើរអស់រយៈពេលជាង៣ខែ គឺដោយសារពាក់ព័ន្ធ និងករណីផ្តលទីតាំង សេពគ្រឿងញៀន និងលក់ចែកចាយគ្រឿងញៀន នៅក្នុងក្លឹបខាងលើនេះ។ ក្រោយមក(មជ្ឈមណ្ឌលកំសាន្ត ឡាហ្វីរ៉ា) ត្រូវបានបើកដំណើរការវិញ បានមួយរយៈ ពេលខ្លី ក៏មានរឿងអាស្រូវមួយករណីទៀត មានការផ្ទុះអាវុធ បណ្តាល់អោយបុរសជនជាតិចិន រងរបួសបាក់ជើងម្នាក់ បង្កឡើងដោយមេការជាតិចិនដូចគ្នា ជាអ្នកបាញ់ បង្កការភ្ញាក់ផ្អើលទាំងយប់ នៅក្នុងក្លឹបខាងលើនេះ នៅប៉ោយប៉ែត។
ក្នុងរឿងករណីផ្ទុះអាវុធ ក្នុង(មជ្ឈមណ្ឌលកំសាន្ត ឡាហ្វីរ៉ា) កាលពីយប់ថ្ងៃទី១០ រំលងអធ្រាត្រ ឈានចូលថ្ងៃទី១១ ខែកុម្ភៈ ឆ្នាំ២០១៩ កន្លងទៅថ្មីៗនេះផងដែល គឺដោយសារតែភ្ញៀវ ចូលទៅផឹកស៊ីនៅក្នុងក្លឹបនោះ ដល់ពេលគិតលុយ ក្នុងវិមាយវិក័យប័ត្រ មានចំនួនទឹកលុយច្រើនពេក ក៏អោយគិតលុុយម្តងទៀត ទើបបានជាបង្កជំលោះ ដល់ដំណាក់កាលផ្ទុះអាវុធ បង្កអោយរងរបួស និងបង្កការភ្ញាក់ផ្អើលទាំងយប់អធ្រាត្រនៅក្រុងប៉ោយប៉ែតតែម្តង។ លុះព្រឹកថ្ងៃទី១១ ខែកុម្ភៈ ឆ្នាំ២០១៩ ដោយមានការសម្របសម្រួលពីព្រះរាជអាជ្ញាខេត្តបន្ទាយមានជ័យ ត្រូវបានលោកឧត្តមសេនីយ៍ត្រី បោន ប៊ិន មេបញ្ជាការកងកំលាំងអាវុធហត្ថខេត្ត/ក្រុង សហការគ្នា ចុះប្រតិបត្តិការដល់កន្លែងកើតហេតុ និងឃាតខ្លួនជនចិន ដែលបង្កបាន ដែលគេចខ្លួនទៅដេកពួននៅក្នុង (សណ្ឋាគារ អូរមាស) ខាងលិច អេស៊ើលីដា ផ្លូវជាតិលេខ៥ បានចំនួន ៣/៤ នាក់ រួចកំលាំងកងរាជអាវុធហត្ថ យកជនបង្ក រួមនិងបក្សពួក កសាងសំុណុំរឿង ចាត់ការទៅតាមនីតិវិធី។
លុះមកដល់ថ្ងៃទី១៨ ខែមីនា ឆ្នាំ២០១៩ ថ្មីៗនេះ បើយោងតាមប្រភព មហាជនរស់នៅក្រុងប៉ោយប៉ែត បានរិះគន់ ទៅលើព្រះរាជអាជ្ញាខេត្តបន្ទាយមានជ័យ យ៉ាងចាស់ដៃថា៖ ប្រហែលជាលោកព្រះរាជអាជ្ញាខេត្ត បានសំណែន ពីម្ចាស់(មជ្ឈមណ្ឌលកំសាន្ត ឡាហ្វីរ៉ា) រឿងលុយលើតុកក្រោមតុក ហើយមើលទៅនោះ បានជាបើកដៃអោយម្ចាស់ (មជ្ឈមណ្ឌលកំសាន្ត ឡាហ្វីរ៉ា) បើកដំណើរការឡើងវិញយ៉ាងរលឿន ដូច្នេះ.! នៅក្នុងខែមីនា ឆ្នាំ២០១៩ នេះ សូមបញ្ចាក់ផងដែលថា៖ (មជ្ឈមណ្ឌលកំសាន្ត ឡាហ្វីរ៉ា) ស្ថិតក្នុងភូមិបាលិលេយ្យ១ សង្កាត់ និងក្រុងប៉ោយប៉ែត ខេត្តបន្ទាយមានជ័យ៕
