(ព្រៃវែង)៖ បុណ្យចូលឆ្នាំថ្មី ប្រពៃណីជាតិខ្មែរ រយៈពេល៣ថ្ងៃខេត្តព្រៃវែង មានភ្ញៀវទេសចរ និងប្រជាពលរដ្ឋមកលេងកម្សាន្ត តាមគោលដៅទេសចរសំខាន់ៗ ក្នុងកម្មវិធីសង្ក្រាន្តព្រៃវែង មានចំនួន២,៣២៣,០៩៦នាក់ ក្នុងនោះក៏មានភ្ញៀវបរទេសចំនួន១៣១ផងដែរ។
យោងតាមរបាយការណ៍របស់រដ្ឋបាលខេត្តព្រៃវែង បានបញ្ជាក់ថា ក្នុងឱកាសពិធីចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស ២៥៧០ គ.ស ២០២៦ មានចំនួនភ្ញៀវទេសចរ និងប្រជាពលរដ្ឋ មកលេងកម្សាន្តនៅតាមគោលដៅទេសចរណ៍សំខាន់ៗ និងកម្មវិធីសង្ក្រាន្តនានាក្នុងខេត្តព្រៃវែង មានចំនួនសរុបជារួម ក្នុងរយៈពេល៣ថ្ងៃ គឺចាប់ពីថ្ងៃទី១៤-១៦ ខែមេសា ឆ្នាំ២០២៦ ខេត្តព្រៃវែង មានទីតាំងលេងកម្សាន្ដ នៅទីរួមខេត្ត ព្រមទាំងតាមបណ្តាមូលដ្ឋានក្នុងក្រុង ស្រុក និងឃុំ សង្កាត់ ទទួលបានភ្ញៀវទេសចរណ៍ សរុបប្រមាណ ២,៣២៣,០៩៦នាក់/ដង។
ក្នុងនោះ ថ្ងៃទី១ ត្រូវនឹងថ្ងៃទី១៤ ទទួលបានភ្ញៀវទេសចរ ប្រមាណ៥៨០,៦០៨នាក់/ដង, ថ្ងៃទី២ ត្រូវនឹងថ្ងៃទី១៥ ទទួលបានភ្ញៀវទេសចរ ប្រមាណ៧៦៨,៧៤៤នាក់/ដង និងថ្ងៃទី៣ ត្រូវនឹងថ្ងៃទី១៦ ទទួលបានភ្ញៀវទេសចរ ប្រមាណ៩៧៣,៧៤៤នាក់/ដង។
ក្នុងនោះ ថ្ងៃទី១ ត្រូវនឹងថ្ងៃទី១៤ ទទួលបានភ្ញៀវទេសចរ ប្រមាណ៥៨០,៦០៨នាក់/ដង, ថ្ងៃទី២ ត្រូវនឹងថ្ងៃទី១៥ ទទួលបានភ្ញៀវទេសចរ ប្រមាណ៧៦៨,៧៤៤នាក់/ដង និងថ្ងៃទី៣ ត្រូវនឹងថ្ងៃទី១៦ ទទួលបានភ្ញៀវទេសចរ ប្រមាណ៩៧៣,៧៤៤នាក់/ដង។
ជាក់ស្តែង ការរៀបចំសង្ក្រាន្តព្រៃវែង ឆ្នាំ២០២៦ មានការគាំទ្រ និងសាទរ ពីប្រជាពលរដ្ឋគ្រប់មជ្ឈដ្ឋាន និងបានប្រព្រឹត្តទៅ ប្រកបដោយបរិយាកាសសប្បាយរីករាយ សន្តិសុខ សុវត្ថិភាព សណ្តាប់ធ្នាប់ល្អប្រសើរ មិនមាន បាតុភាពណាមួយកើតឡើងគួរឲ្យកត់សម្គាល់ឡើយ៕
