រាជធានីភ្នំពេញ៖ នៅថ្ងៃទី១០ ខែមេសា ឆ្នាំ២០២៦ កងរាជអាវុធហត្ថរាជធានីភ្នំពេញ ដឹកនាំដោយ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ បាននាំមកជាមួយនូវមេបញ្ជាការរង និងមេបញ្ជាការមូលដ្ឋានអាវុធហត្ថខណ្ឌទាំង១៤ ចំណុះរាជធានីភ្នំពេញ ចូលគោរពជូនពរ លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស។
ឱកាសនេះ ត្រូវបានរៀបចំឡើង ដើម្បីអបអរសាទរ និងគោរពជូនពរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខ។
ក្នុងនាមកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង និងមន្ត្រីក្រោមឱវាទទាំងអស់ បានសម្តែងនូវក្តីគោរព និងជូនពរដ៏ស្មោះស្ម័គ្រចំពោះ លោកនាយឧត្តមសេនីយ៍ សៅ សុខា សូមឲ្យទទួលបានសុខភាពល្អបរិបូរណ៍ កម្លាំងកាយកម្លាំងចិត្តមាំមួន ប្រាជ្ញាឆ្លាតវៃ និងជោគជ័យគ្រប់ភារកិច្ច ដើម្បីបន្តដឹកនាំ និងអភិវឌ្ឍន៍កងរាជអាវុធហត្ថឲ្យកាន់តែរីកចម្រើន។
