ឧត្ដមសេនីយ៍ទោ ហួត សុធី ស្នងការ បញ្ជាឱ្យ នគរបាលផែនការងារប្រឆាំងបទល្មើសសេដ្ឋកិច្ច ចុះប្រតិបត្តការបង្ក្រាបការដឹកជញ្ជូនលៀស គ្មានលិខិតអនុញាតិចំនួន២ករណី

‎ខេត្តសៀមរាប៖ ដោយមានបទបញ្ជាពី លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប និងមានការសម្របសម្រួលនីតិវិធីដោយ ឯកឧត្តម សៀង សុខ ព្រះរាជអាជ្ញា នៃអយ្យការអមសាលាដំបូងខេត្ត នៅវេលាម៉ោង១៩ និង៤០នាទី ថ្ងៃទី ៩ ខែមករា ឆ្នាំ២០២៦ កម្លាំងនគរបាលផែនការងារប្រឆាំងបទល្មើសសេដ្ឋកិច្ច បានសហការជាមួយ កម្លាំងមូលដ្ឋានស្រុក ដែលបានដឹកនាំផ្ទាល់ដោយ លោកឧត្ដមសេនីយ៍ត្រី  សឿន សេន ស្នងការរងទទួលផែនការងារប្រឆាំងបទល្មើសសេដ្ឋកិច្ច ចុះប្រតិបត្តការបង្រ្កាបរថយន្តដឹកជញ្ជូនផលផលិតផលលៀស ដែលសង្ស័យថាគ្មានលិខិតអនុញ្ញាតត្រឹមត្រូវ ចំនួន២ករណី ក្នុងស្រុកជីក្រែង និងស្រុកសូទ្រនិគម។ នេះបើយកតាមការឲ្យដឹងពី លោកឧត្តមសេនីយ៍ត្រី ណុប សារ៉ាក់ ស្នងការរងទទួលដឹកនាំផែនការងារសេនាធិការ និងជាអ្នកនាំពាក្យ នៃស្នងការដ្ឋាននគរបាលខេត្តសៀមរាប មកកាន់ទីភ្នាក់ងារសារព័ត៌មានគូលែនដេលី នៅរសៀលថ្ងៃទី១០ ខែមករា ឆ្នាំ២០២៥។
‎
‎លោកឧត្តមសេនីយ៍ត្រី ណុប សារ៉ាក់ បានមានប្រសាសន៍បន្តថា ក្នុងប្រតិបត្តិការនេះកម្លាំងជំនាញបានរកឃើញថា ៖
‎១ .ជនសង្ស័យឈ្មោះ ភី សុភក្រ័ ភេទប្រុស អាយុ ៣៦ឆ្នាំ សញ្ជាតិខ្មែរ ដឹកជញ្ជូនផលផលិតផលលៀសគ្មានលិខិតអនុញ្ញតដឹកដោយរថយន្តម៉ាក សាំយ៉ុង ពណ៌បៃតងពាក់ផ្លាកលេខ ភ្នំពេញ 2H-3460 រស់នៅភូមិក្រចាប សង្កាត់ព្រៃខ្លា ស្រុកស្វាយអន្ទ ខេត្តព្រៃវែង ក្នុងនោះសមត្ថកិច្ចយើងបានរកឃើញលៀសចំនួន ១៥០ប៉េ ស្មើនឹង ៧.៥០០គីឡូក្រាម។
‎២ .រថយន្តម៉ាក អុីស៊ុយស៊ុយ (ISUZU) ពណ៌ផ្ទៃមេឃពាក់ផ្លាកលេខ ចង្កូតស្តាំ KCHH-0056 ដឹកផលផលិតផលលៀសគ្មានលិខិតអនុញ្ញាតចំនួន ២១.២៥០គីឡូក្រាម និងមានផ្លាកលេខ ភ្នំពេញ 3B-0930 មិនប្រក្រតីចំនួនមួយគូនៅលើរថយន្តថែមទៀត ម្ចាស់រថយន្តរត់គេចខ្លួនបាត់ (ប្រើប្រាស់ឯកសារសាធារណ:ក្លែង)។
‎
‎លោកឧត្តមសេនីយ៍ត្រី ណុប សារ៉ាក់ បានមានប្រសាសន៍បញ្ជាក់ថា ចំណាត់ការរបស់សមត្ថកិច្ចយើងគឺ ចាប់យកវត្ថុតាង ដែលមានលៀស ចំនួន២៨,៧៥០Kg ចាក់ចូលទៅក្នុងបឹងទន្លេសាបវិញ ស្ថិតនៅព្រែកឃ្លាំងមុខវត្តស្តី ភូមិព្រែកស្រមោច និងភូមិតាច្រនាង ឃុំកំពង់ឃ្លាំង ស្រុកសូទ្រនិគម  ខេត្តសៀមរាប មធ្យោបាយដឹកជញ្ជូន ០២គ្រឿង  គឺកំលាំងជំនាញប្រឆាំងបទល្មើសសេដ្ឋកិច្ច បានរៀបចំបញ្ជូនទៅមន្ត្រីខណ្ឌរដ្ឋបាលជលផលតាមនីតិវិធី ដើម្បីកសាងសំនុំរឿងចាត់ការបន្តទៅកាន់ស្ថាប័នអយ្យការ អមសាលាដំបូងខេត្តសៀមរាប អនុវត្តទៅតាមច្បាប់ស្តីពីជលផលនៃព្រះរាជាណាចក្រកម្ពុជា៕KD
‎ការិយាល័យនិពន្ធ៖ 089 948 444 ; 088 0546 6648 ; kulendailynews@gmail.com
‎👉 ទទួលព័ត៌មានរហ័ស៖ https://t.me/Channel_kulendailynews/71090?single
‎👉 គ្រុបផ្តល់ព័ត៌មាន៖ https://t.me/kulendailynews
‎
ប្រាក់ សោភ័ណ – Prak Sophoan ស្នងការដ្ឋាននគរបាលខេត្តសៀមរាប Commissariat Of Siem Reap Province Police រដ្ឋបាលខេត្តសៀមរាប/Siem Reap Provincial Administration Kulen Daily News Hout Sothy -ហួត សុធី