(បន្ទាយមានជ័យ):ដោយមានការយកចិត្តទុកដាក់ដ៏ខ្ពង់ខ្ពស់ពី ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី ១៥ ខែ ធ្នូ ឆ្នាំ២០២៥ លោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានចាត់លោកឧត្តមសេនីយ៍ត្រី វ៉ាត ចន្ថា ស្នងការរង ជំនួយដឹកនាំផែនការងារភស្តភា និងហិញ្ញវត្ថុ លោកឧត្តមសេនីយ៍ត្រី ប៊ុន ផេង ស្នងការរងផែនការងារអាវុធគ្រឿងផ្ទុះ បានអញ្ជើញនាំយកថវិកា និងគ្រឿងឧបភោគបរិភោគ ជូនដល់កម្លាំងនគរបាល ដែលត្រូវរបួស និងផ្សែងពុល ហើយសំរាកព្យាបាលជំងឺ នៅមន្ទីរពេទ្យមិត្តភាពកម្ពុជាជប៉ុន ស្រុកមង្គលបូរី ។
កម្លាំងដែលត្រូវចុះសួរសុខទុក្ខរួមមានចំនួន៥នាក់:
១-កម្លាំងអធិការដ្ឋាននគរបាលស្រុកថ្មពួក ចំនួន ២នាក់ ថវិកាចំនួន១,០០០,០០០រៀល(មួយលានរៀល) និងគ្រឿងឧបភោគបរិភោគ
២-កម្លាំងវរសេនាតូចនគរបាលការពារព្រំដែនគោកលេខ ៨០៧ ចំនួន៣នាក់ ថវិកា ១,៥០០,០០០រៀល(មួយលានប្រាំសែនរៀល)និងគ្រឿងឧបភោគបរិភោគ
ជាមួយគ្នានោះ លោកឧត្តមសេនីយ៍ត្រី វ៉ាត ចន្ថា ស្នងការរង បានពាំនាំការសួរសុខទុក្ខពីរលោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងបានលើកទឹកចិត្ត និងជូនពរដល់កងកម្លាំងទាំអស់ មានរបួស និងកម្លាំងដែលត្រូវផ្សែងពុល ឆាប់ជា ឱ្យមានសុខភាពល្អមាំទាំឡើងវិញ ក្នុងខណៈនេះ ថ្នាក់ដឹកនាំតែងតែតគិតគូរសុខទុក្ខបងប្អូនជានិច្ច និងយកចិត្តទុក្ខដាក់ខ្ពស់ដល់គ្រប់កងកម្លាំងទាំងអស់ ហើយប្ដេជ្ញាមិនបោះបង់បងប្អូនគ្រប់គ្នានោះទេ ជាមួយគ្នានោះលោកឧត្ដមសេនីយ៍ត្រីស្នងការរង ក៏បានជំរុញដល់ក្រុមគ្រូពេទ្យឱ្យមើលថែរហូតដល់ជាសះស្បើយ និងសូមជូនពរដល់កងកម្លាំងទាំងឆាប់បានជាសះស្បើយពីរបួសផងដែរ៕
