បន្ទាយមានជ័យ អនុវត្តតាមការណែនាំ និងបទបញ្ជា ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការយកចិត្តទុកដាក់ របស់ លោកវរសេនីយ៍ទោ ព្រហ្មពិសិដ្ឋ អធិការនគរបាលក្រុងប៉ោយប៉ែត បានដាក់បទបញ្ជា យ៉ាងម៉ឺងម៉ាត់ ដល់ លោកលោកស្រី អធិការរង គ្រប់ផ្នែក ជំនាញ និងលោកនាយប៉ុស្តិ៍ នគរបាលរដ្ឋបាល ទាំង 5 ប៉ុស្តិ៍ ចំណុះនៃអធិការដ្ឋាន នគរបាលក្រុងប៉ោយប៉ែត ត្រូវមានការយកចិត្តទុកដាក់ខ្ពស់ បទបញ្ជា ថ្នាក់លើដាក់ជូន ឱ្យ ចេញធ្វើការដើល្បាត ចល័ត ជាប្រចាំ នៅក្នុងភូមិសាស្ត្រ របស់ខ្លួនគ្រប់គ្រង ដើម្បីរក្សាការពារសន្តិសុខ និងការពារ ទ្រព្យសម្បត្តិ ផ្ទះសំបែង របស់បងប្អូនប្រជាពលរដ្ឋ ដែលភាគខ្លួន ចាកចេញពីផ្ទះ នឹងត្រូវត្រៀមកម្លាំង ប្រចាំបញ្ជា ដើម្បីមានអីកើតឡើងជាយថាហេតុចុះជួយបងប្អូនប្រជាពលរដ្ឋបានទាន់ពេលវេលា ចេញផ្សាយនៅថ្ងៃអាទិត្យ ទី ១៤ ខែធ្នូ ឆ្នាំ២០២៥។
លោកវរសេនីយ៍ទោ ព្រហ្ម ពិសិដ្ឋ អធិការ នគរបាលក្រុងប៉ោយប៉ែត បានប្រាប់ឲ្យដឹងថា៖ កម្លាំង នៃអធិការដ្ឋាន នគរបាលក្រុងប៉ោយប៉ែត រួមនិងកម្លាំង ប៉ុស្តិ៍នគរបាលរដ្ឋបាល ចុះធ្វើការ ២៤ ម៉ោងលើ ២៤ម៉ោងដើរល្បាត ចល័ត ការពារសន្តិសុខ ជូនប្រជាពលរដ្ឋក្នុងមូលដ្ឋាន និងដាក់គោលដៅ ឈរជើង យាមតាមគោលដៅសំខាន់ៗ ដើម្បីទប់ស្កាត់ បង្រ្កាប់ ជនឆ្លៀតឱកាស លួចទ្រព្យសម្បត្តិ របស់បងប្អូនប្រជាពលរដ្ឋ ដែលភាសខ្លួន ចាកចេញពីផ្ទះ ដោយសារផ្ទុះសង្គ្រាមជាមួយភាគីថៃ ទាហានថៃបានប្លោងចូលប្រទេសកម្ពុជា។
សូមបញ្ជាក់ កម្លាំង លោកវរសេនីយ៍ត្រី សួន ស៊ីម៉ាប់ នាយប៉ុស្ត៍នគរបាលរដ្ឋបាលប៉ោយប៉ែត ដឹកនាំកម្លាំង មានលោក លោក នាយរងប៉ុស្តិ៍និង មន្ត្រីក្នុងប៉ុស្តិ៍ ចុះធ្វើការដើរ ល្បាត ចល័ត ជាប្រចាំ មិនគិតថាថ្ងៃឬយប់ ដើម្បីរក្សាការពារ ទ្រព្យសម្បត្តិ ផ្ទះសម្បែង របស់បងប្អូនប្រជាពលរដ្ឋ ដែលបានភាគខ្លួនចាកចេញ ពីផ្ទះ ទុកផ្ទះចោល ដើម្បីទប់ស្កាត់ បង្ក្រាប ជនឆ្លៀតឱកាស ចូលលួចទ្រព្យសម្បត្តិរបស់បងប្អូនប្រជាពលរដ្ឋ នៅក្នុងភូមិសាស្ត្រប៉ុស្តិ៍គ្រប់គ្រង នៅពេលនោះដែរ លោកនាយប៉ុស្តិ៍ នគរបាលរដ្ឋបាលប៉ោយប៉ែត បានដាក់លេខទូរសព្ទ ទាន់ហេតុការណ៍ មានដូចខាងក្រោម ជូនដល់បងប្អូនប្រជាពលរដ្ឋ ដើម្បីមានហេតុការណ៍កើតឡើង ទំនាក់ទំនងមក តាមទូរសព្ទ ដើម្បី ចាត់កម្លាំង ចុះជួយអន្តរាគមន៍ និងបង្ក្រាប ជនល្មើស ជូនបងប្អូនប្រជាពលរដ្ឋ យកមកចាត់ការតាមនិតិវិធី។សូមជម្រាបដល់បងប្អូនទាំងអស់ដែលរស់នៅក្នុងសង្កាត់ប៉ោយប៉ែតឲ្យបានជ្រាបថា “សង្កាត់ប៉ោយប៉ែត” មានចំនួន៦ភូមិគឺ ភូមិបាលិលេយ្យ១ ភូមិបាលិលេយ្យ២ ភូមិមិត្តភាព ភូមិចាន់គីរី ភូមិទួលប្រាសាទ និង ភូមិទំនប់ក៥។ ប្រសិនជាបងប្អូនមានបំណងចង់រាយការណ៍ សូមធ្វើការទាក់ទងមកកាន់លេខទូរស័ព្ទដូចខាងក្រោម:
– នាយប៉ុស្តិ៍ ០៩២ ២៨ ២៨ ៨៤
– នាយរងប៉ុស្តិ៍ទទួលបន្ទុកការងារយុត្តិធម៌ ០៧៦ ៥៥៥៥ ២០១
– នាយរងប៉ុស្តិ៍ទទួលបន្ទុកការងារចរាចរណ៍ និងសណ្តាប់ធ្នាប់ ០៦៨ ៥៨៥ ៩០៥
ចំណែកបងប្អូនដែលរស់នៅក្នុងសង្កាត់ផ្សេងៗ សូមធ្វើការទាក់ទងទៅតាមលេខទូរស័ព្ទដែលមានដូចក្នុងក្រដាសខាងក្រោម។
