(ខេត្តកំពត)៖ នៅព្រឹកថ្ងៃទី១២ ខែកុម្ភៈឆ្នាំ២០១៩ រដ្ឋបាលខេត្តកំពត បានបើកកិច្ចប្រជុំសាមញ្ញក្រុមប្រឹក្សាខេត្តលើកទី៥៧ អាណត្តិទី២ ក្រោមអធិបតីភាព លោក អ៉ឹង ម៉េងហួរ ប្រធានក្រុមប្រឹក្សាខេត្ត និងលោក ជាវ តាយ អភិបាល នៃគណៈអភិបាលខេត្តកំពត។
កិច្ចប្រជុំនេះ បានផ្ដោតលើរបៀបវារៈសំខាន់ៗរួមមាន៖
១/-ពិនិត្យអនុម័ត លើរបៀបវារៈនៃកិច្ចប្រជុំក្រុមប្រឹក្សាលើកទី៥៧ អាណត្តិ ទី២ របស់ក្រុមប្រឹក្សាខេត្ត។
២/-ពិនិត្យ អនុម័ត លើកំណត់ហេតុកិច្ចប្រជុំក្រុមប្រឹក្សាលើកទី៥៦ អាណត្តិទី២របស់ក្រុមប្រឹក្សាខេត្ត។
៣/-ពិនិត្យ និងអនុម័ត លើរបាយការណ៍ប្រចាំខែមករាឆ្នាំ២០១៩ ស្ដីពី ការអនុវត្តការងារ របស់រដ្ឋបាលខេត្ត។
៤/-ពិនិត្យ និងអនុម័តលើសេចក្ដីព្រាងសៀវភៅកម្មវិធីវិនិយោគបីឆ្នាំរំកិល ២០១៩-២០២១របស់រដ្ឋបាលខេត្តកំពត។
៥/-ពិនិត្យ និងអនុម័ត លើសេចក្ដីសម្រេចស្ដីពីការបែងចែកតួនាទី ភារកិច្ច និងរបៀបរបបធ្វើការងារជូនគណៈអភិបាលខេត្ត។
៦/-ពិនិត្យ អនុម័ត ការបែងចែកប្រាក់រង្វាន់លើកទឹកចិត្តជូនមន្ត្រីរាជការចាប់ពីខែសីហាដល់ខែធ្នូ ឆ្នាំ២០១៨។
៧/-ពិនិត្យ អនុម័ត លើរបាយការណ៍ ស្ដីពីវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តឆ្នាំ ២០១៨និងបញ្ហាផ្សេងៗ។
នាឱកាសបិទកិច្ចប្រជុំ លោក អឹុង ម៉េងហួរ ប្រធានក្រុមប្រឹក្សាខេត្តកំពត ក៏បានថ្លែងការកោតសរសើរដល់រដ្ឋបាលខេត្តកំពត ដែលជានិច្ចកាលខិតខំអនុវត្តផែនការ និងដោះស្រាយបញ្ហាប្រឈមនានាស្ថិតក្នុងតំបន់ខេត្តកំពតទាំងមូល ទទួលបានលទ្ធផលយ៉ាងគាប់ប្រសើរ។ជាមួយគ្នានេះក្នុងនាមជាថ្នាក់ដឹកនាំនៃក្រុមប្រឹក្សាខេត្ត លោកនឹងខិតខំពុះពារ ដើម្បីជំរុញដល់មន្ត្រីក្រោមឱវាតឱ្យខិតខំអនុវត្តភារកិច្ចដែលនៅសេសសល់ឱ្យកាន់តែមានភាពរីកចម្រើនបន្ថែមទៀត៕
សេង ណារិទ្ធ
