បន្ទាយមានជ័យ ៖ នៅថ្ងៃទី២៨ ខែមករា ឆ្នាំ២០១៩ វេលាម៉ោង១៥.00នាទី ដោយមានការចង្អុលបង្ហាញពីលោកឧត្តមសេនីយ៍ទោ អាត់ ខែម ស្នងការនគរបាលខេត្ត និងបញ្ជាដោយផ្ទាល់ពីលោកឧត្តមសេនីយ៍ត្រី សិទ្ធ ឡោះ ស្នងការរងទទួលបន្ទុកផ្នែកព្រហ្មទណ្ឌកំរិតធ្ងន់ លោកវរសេនីយ៍ទោ សៅ សារឿន អធិការស្រុកថ្មពួក បានដឹកនាំកម្លាំងជំនាញ និងកម្លាំងប៉ុស្តិគោករមៀត ចុះបង្ក្រាបទីតាំងជល់មាន់០១កន្លែង នៅចំណុចផ្ទះដែលមានម្ចាស់ឈ្មោះ ព្រំ សាខន ភេទប្រុសអាយុ 63 ឆ្នាំ ភូមិបន្ទាយមានរឹទ្ធ ឃុំគោករមៀត ស្រុកថ្មពួក ខេត្តបន្ទាយមានជ័យ ។
ក្នុងកិច្ចប្រតិបត្តិការបង្ក្រាបក្រុមខ្មោចល្បែងចូលសន្ធិតនេះ កម្លាំងជំនាញបានធ្វើការដកហូតសម្ភារ: វត្ថុតាងដូចខាងក្រោម៖
– ម៉ូតូ ចំនួន18គ្រឿង
– មាន់ជល់ ចំនួន14ក្បាល
– អង្រុតក្រុងមាន់ ចំនួន17
– សៃវៀន ចំនួន01ឈុត
– ជញ្ជើងថ្លឹងមាន់ ចំនួន02
– នាឡិការ ចំនួន01
– កំណល់អង្គុយ ចំនួន12
– តុអង្គុយ ចំនួន07
– ឧប្បករណ៍ស្អំ ចំនួន01ឈុត
ក្រោយពីបង្ក្រាបទីតាំងបក្សីកីឡា និងដកហូតវត្ថុតាងមួយចំនួនដូចខាងលើក កំលាំងជំនាញបានយកទៅកាន់អធិការដ្ឋាននគរបាលស្រុកថ្មពួក ដើម្បីរៀបចំឯកសារ បញ្ជូនទៅការិយាល័យជំនាញ នៃស្នងការដ្ឋាននគរបាលខេត្តដើម្បីចាត់ការបន្ត ៕
