ខេត្តបន្ទាយមានជ័យ ៖ លោកឧត្តមសេនីយ៍ ទោ អាត់ខែម ស្នងការនគរបាលខេត្តបន្ទាយមានជ័យ និងលោក តេង សាម៉ៃ ព្រះរាជអាជ្ញារងអមសាលាដំបួងខេត្តបន្ទាយមានជ័យ ដឹកនាំកំលាំងនគរបាលក្រុងប៉ោយប៉ែត និងនគរបាលខេត្តបានចុះបង្ក្រាបជនសង្ស័យជួញគ្រឿងញៀននៅតាមផ្ទះសំណាក់បាន៥ករណី រយះពេល២ថ្ងៃនិងនៅកន្លែងផ្សេងៗទៀត។ ឃាតខ្លួនមនុស្ស១៥នាក់ ម៉ូតូ៩គ្រឿង ឡាន១គ្រឿង កាំភ្លើង៣ដើម និងថ្នាំញៀនមួយចំនួនធំ។
លោកឧត្តមសេនីយ៍ទោ អាត់ ខែម បានប្រាប់អ្នកសារព័ត៌មានឲ្យដឹងថា ការចុះបង្ក្រាបជនសង្ស័យជួញដូរគ្រឿងញៀនជាទ្រង់ទ្រាយធំនេះនៅចំណុចមួយក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យនិងកន្លែងផ្សេងៗទៀត។
ក្នុងរយៈពេល២ថ្ងៃឃាត់ខ្លួនជនសង្ស័យបាន១៥នាក់
១:ឈ្មោះ សេរី ពេជ្ជរ៉ាវី ភេទប្រុស អាយុ ៣០ឆ្នាំដកហូតបានវត្ថុតាងរួមមានម្សៅក្រាមពណ៍សថ្លា១ថង់តូច។
២: ឈ្មោះម៉ៅ បៃ ភេទប្រុស អាយុ២៩ឆ្នាំដកហូតបានវត្ថុតាងម្សៅក្រាមពណ៍សចំនួន២ថង់តូច។
៣:ឈ្មោះហ៊ាង សុជាតិ ភេទប្រុស អាយុ២៧ឆ្នាំ។
៤:ឈ្មោះ ឌឹម សុភ័ក្ត្រ ហៅ ផៃភេទប្រុស អាយុ ២៩ឆ្នាំ
៥:ឈ្មោះ យក់ ស៊ិង ភេទប្រុស អាយុ ២៤ឆ្នាំដកហូតអាវុធខ្លី១ដើម ម៉ាក ZORAKI លេខ០០០០៦៥ បង់១គ្រាប់១គ្រាប់។
៦:ឈ្មោះ បូរ ទិត្យភេទប្រុស អាយុ២៩ឆ្នាំ ដកហូតវត្ថុតាងក្រាមពណ៍សរ៦ថង់តូច ចឹញ្ចៀនលោហ:ធាតុដាំត្បូងពណ៍ខ្មៅ ១វង់។
៧:ឈ្មោះហេង អ៊ាន ហៅរតនា ភេទប្រុស អាយុ២៩ឆ្នាំ ដកហូតថ្មាំពណ៍ផ្កាឈូក១៧៣គ្រាប់ ក្រាមពណ៍ស ២ថង់តូច ចឹញ្ជៀនលោហធាតុ២វង់ ។
៨:ឈ្មោះហៀប សីហា ភេទប្រុស អាយុ១៨ឆ្នាំ។
៩:ឈ្មោះចយ រ៉ាវី ភេទប្រុស អាយុ១៧ឆ្នាំ។
១០:ឈ្មោះ រតនា ភេទប្រុស អាយុឆ្នាំ ដកហូតវត្ថុតាង ថ្នាំប្រភេទពណ៍ផ្កាឈូក១៧៣គ្រាប់ ក្រាមពណ៍សថ្លា២ថង់តូច។
១១:ឈ្មោះ ហេង ហ្វុង សាយ យុគ ហៅ វង់ ភេទប្រុស អាយុ ប្រហែល២៩ឆ្នាំ (ជនសង្ស័យគេចខ្លួនបន្សល់ទុកនូវ អាវុធខ្លី១ដើមម៉ាកlock17 ពណ៍ខ្មៅ បង់០១ គ្រាប់០៣ គ្រាប់ ថ្នាំគ្រាប់ពណ៍ផ្កាឈូកយ៉ាម៉ាចំនួន ១០២គ្រាប់ ក្រាមពណ៍សថ្លាចំនួន០៦ ថង់តូច និង៥កូនថង់ ធំល្មម ខេហិតពណ៍សរ ០១កញ្ចប់ ថង់សំរាប់ច្រកថ្នាំ មួយចំនួន ជញ្ជីងសំរាប់ថ្លឹងថ្នាំ០១) ។
និង៤នាក់ទៀត មិនស្កាល់ឈ្មោះ ដកវត្ថុតាងមានកាំភ្លើងកែច្នៃចំនួន ១ម៉ាកBLow F92 AUTOពណ៌ទឹកប្រាក់មានគ្រាប់ចំនួន ៣គ្រាប់នៅក្នុងប្រអប់ដែកស្វានចំនួន២ម៉ូទ័រឆាបចំនួន១ អង្គុំចំនួន១ ផ្លែស្វានចំនួន៨ កាណុងកាំភ្លើងចំនួន៣ កាំបិតសាម៉ូរ៉ៃចំនួន១ ម៉ែតក្រឡឹងចំនួន១ ដែកឆាបចំនួន១ ដបកែច្នៃសម្រាប់ប្រើប្រាស់គ្រឿងញៀនចំនួន២ ដែកកេះចំនួន៥ កន្ត្រៃចំនួន២ ញញូរចំនួន១ ដែកទ្រាប់ដំចំនួន គ្រាប់អឺម១៥គ្រាប់ ក្នុងការបង្ក្រាបនោះ ភាគច្រើននៅក្នុងផ្ទះសំណាក់ក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ក្រោយពីឃាត់ខ្លួនហើយ កំលាំងជំនាញបានបញ្ជូនមកស្នងការនគរបាលខេត្តបន្ទាយមានជ័យ និងរៀបចំឯកសារបញ្ជូនទៅតុលាខេត្តដើម្បីចាត់ការតាមនីតិវិធីច្បាប់ ៕
