នៅព្រឹកថ្ងៃទី២៧ ខែមេសា ឆ្នាំ២០២៥ នេះ អនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ កែ សួនសុភី ឯកឧត្តម ទូច វិសាលសុខ រដ្ឋលេខាធិការក្រសួងមហាផ្ទៃ និងឯកឧត្តម អ៊ូ វណ្ណា អនុរដ្ឋលេខាធិការនិងជានាយករងខុទ្ទកាល័យប្រចាំការឯកឧត្តមអភិសន្តិបណ្ឌិត បានដឹកនាំគណៈប្រតិភូ ជាសប្បុរសជន មកពីក្រុមហ៊ុនប៉ាស៊ីហ្វិក អ៉ីនធើណេសិនណលខនស្រ្តាក់សិន ខូអិលធីឌី ប្រគល់អំណោយជាស្បៀងអាហារ និងសម្ភារ:ប្រើប្រាស់ប្រចាំថ្ងៃ សរុបជាទឹកប្រាក់ ចំនួន ៦០ ០០ ដុល្លារ ជូនដល់មណ្ឌលកុមារកំព្រា វិសាខា នៃក្តីសង្ឃឹមវត្តខ្ចាស់ ស្ថិតនៅក្នុងស្រុកព្រះនេត្រព្រះ ខេត្តបន្ទាយមានជ័យ។
នៅក្នុងឱកាសនោះដែរ គណ:ប្រតិភូ ក៏បានរៀបចំពិធីពិសាអាហារសាមគ្គីជាមួយក្មួយៗកំព្រា ដែលកំពុងស្នាក់នៅ និងសិក្សារៀនសូត្រនៅក្នុងមណ្ឌល ប្រកបដោយបរិយាកាសរីករាយ និងស្និទស្នាលក្រៃលែង៕
