នៅថ្ងៃទី២៦ ខែមេសាឆ្នាំ២០២៥វេលាម៉ោង ០៩និង ២០នាទី អនុវត្តតាមបទបញ្ជាលោកឧត្តមសេនីយ៍ ទោដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន បានដឹកនាំកម្លាំងក្នុងផែន សហការជាមួយសមត្ថកិច្ចពាក់ព័ន្ធមានកម្លាំងកងរាជអាវុធហត្ថខេត្តបាត់ដំបង កម្លាំងកង រាជអាវុធហត្ថស្រុកកំរៀង ស្រុកភ្នំព្រឹកកម្លាំង អធិការដ្ឋាននគរបាលស្រុកកំរៀង ស្រុកភ្នំព្រឹកនិងកម្លាំងវរសេនាតូចនគរ បាលការពារព្រំដែនគោកលេខ ៨១៩អនុវត្តត្រួតពិនិត្យចល័តបង្ការទប់ស្កាត់ និងបង្ក្រាបទល្មើស គ្រឿងញៀន និងសារធាតុគីមីផ្សំគ្រឿងញៀនខុសច្បាប់ ចំនួន ០២ គោលដៅក្នុងមូលដ្ឋានស្រុកកំរៀង។
*ជាលទ្ធផលយានយន្តសរុបចំនួន ៣០១គ្រឿង មនុស្ស៤៤៩នាក់ស្រី ១២០នាក់និងម៉ូតូ ២៧គ្រឿង មនុស្ស ៣៣នាក់ស្រី១០នាក់ ។
ក្នុងកិច្ចប្រតិបត្តិការខាងលើសមត្ថកិច្ចពុំបានរកឃើញសារធាតុគីមីផ្សំគ្រឿងញៀនខុសច្បាប់ ឬអ្នកបើកបរក្រោមឥទ្ធិពលនៃគ្រឿងញៀនឡើយ ៕
ដោយ ទាវ ដារិន
