(បន្ទាយមានជ័យ):ថ្ង្ងៃអាទិត្យ ១កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២៧ ខែមេសា ឆ្នាំ២០២៥ លោក ឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានដឹកនាំក្រុមការងារ ចូលរួមពិធីសំណេះសំណាល និងផ្តល់អំណោយសប្បុរសធម៌ របស់ក្រុមហ៊ុនប៉ាស៊ីហ្វីកអ៉ិនធើណេសិនណលខនស្ត្រាក់សិន ខូអិលធីឌី ជូនដល់មណ្ឌលកុមារកំព្រាវិសាខា នៃក្តីសង្ឃឹមវត្តខ្ចាស់ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ទូច សុខវិសាល រដ្ឋលេខាធិការ ក្រសួងមហាផ្ទៃ, ឯកឧត្តម អ៊ូ វណ្ណា អនុរដ្ឋលេខាធិការ និងជានាយករងខុទ្ទកាល័យ ឯកឧត្តមអភិសន្តិបណ្ឌិត ស សុខ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ, លោក ចាង ហ្វីយ (Zhang Wei) ប្រធានក្រុមហ៊ុន ប៉ាស៊ីហ្វីកអ៉ិនធើណេសិនណលខនស្ត្រាក់សិន ខូអិលធីឌី បាននាំយកអំណោយសប្បុរសធម៌ ជូនដល់មណ្ឌលកុមារកំព្រាវិសាខា នៃក្តីសង្ឃឹមវត្តខ្ចាស់ ចំនួន ៦១នាក់ /ស្រី ៣៦នាក់។
អំណោយ រួមមាន៖
១-កញ្ចប់ថវិកាសម្រាប់មណ្ឌលប្រើប្រាស់ ចំនួន ៥.០០០.០០០រៀល (ប្រាំលានរៀល)
២-ថវិការសម្រាប់ក្មួយៗ ចំនួន ១០.០០០រៀល ក្នុងមួយនាក់
៣-អង្ករ ផ្កាខ្ញី ចំនួន ០៣ តោន
៤-ត្រីខកំប៉ុង ចំនួន ៣០ យួរ
៥-មីគោក ចំនួន ២០ កេស
៦-មី MAMA ចំនួន ២០ កេស
៧-មីសួរលាយ ចំនួន ០៥ កេស
៨-ទឹកដោះគោខាប់ ចំនួន ០៣ កេស
៩-ទឹកដោះគោជូរ ចំនួន ២០ កេស
១០-ទឹកក្រូច ចំនួន ១២ កេស
១១-ទឹកបរិសុទ្ធ ចំនួន ១០ កេស
១២-នំអូរីអូ ចំនួន ១០ កេស
១៣-សាច់ក្រក ចំនួន ១០ គីឡូ
១៤-ត្រីងៀត ចំនួន ១០ គីឡូ
១៥-កញ្ចប់កាបូបក្តីស្រលាញ់សម្រាប់ក្មួយៗ ចំនួន ៦១ កាបូប
១៦-ប្រេងឆា ចំនួន ១២ កាដុង
១៧-ពងទា ចំនួន ១២០០គ្រាប់
ក្នុងកម្មវិធីនេះ លោកឧត្តមសេនីយ៍ទោ សិទ្ធិ ឡោះ បានរៀបចំអាហារសាមគ្គីនៃក្តីស្រលាញ់ សម្រាប់គណអធិបតី ក្រុមការងារ និងក្មួយៗ ប្រកបដោយបរិយាកាសសប្បាយរីករាយ ៕
