(ខេត្តកំពត)៖ នៅព្រឹកថ្ងៃទី១៦ ខែមករា ឆ្នាំ២០១៩ លោក ជាវ តាយ អភិបាលនៃគណ:អភិបាលខេត្តកំពត បានដឹកនាំកិច្ចប្រជុំគណៈកម្មការ និងអនុគណៈកម្មការ ដើម្បីរៀបចំធ្វើបដិសណ្ឋារកិច្ចស្វាគមន៍ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលអញ្ជើញជាអតិបតីដ៏ខ្បង់ខ្ពស់ក្នុងពិធីសំណេះសំណាល ជាមួយកម្មករ កម្មការិនី នៅរោងចក្រពូចិន ស្ថិតក្នុងភូមិកណ្ដាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត នៅសាលប្រជុំក្រុមប្រឹក្សាខេត្តកំពត។
កិច្ចប្រជុំនេះ ក៏មានសមាសភាពញ្ចើញចូលរួមមាន៖ គណអភិបាលខេត្ត នាយក នាយករងសាលាខេត្ត អភិបាលនៃគណអភិបាលក្រុង ស្រុក ប្រធាន អនុប្រធានមន្ទីរជុំវិញខេត្ត នាយក នាយករងទីចាត់ការ ប្រធាន អនុប្រធានអង្គភាពចំណុះ ប្រធាន អនុប្រធាន ការិយាល័យចំណុះសាលាខេត្ត សរុបចំនួន ៩៣រូប។
ក្នុងកិច្ចប្រជុំនេះ ក៏បានផ្តោតលើការងារសំខាន់ ក្នុងការបែងចែកដើម្បីរៀបចំទទួលបដិសណ្ឋារកិច្ចជូនដល់ប្រមុខដឹកនាំប្រទេស គឺសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងថ្នាក់ដឹកនាំសំខាន់ៗក្នុងជួររាជរដ្ឋាភិបាល ដែលនឹងអញ្ជើញចូលរួមក្នុងពិធីសំណេះសំណាល ជាមួយកម្មករ កម្មការិនី នៅរោងចក្រពូចិន ក្នុងភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត ដែលនឹងប្រព្រឹត្តទៅនៅថ្ងៃទី២៥ ខែមករា ឆ្នាំ២០១៩ ខាងមុខនេះ៕
សេង ណារិទ្ធ
