ក្រុងប៉ោយប៉ែតៈ ពិធីនេះធ្វើឡើង នៅអាស្រមលោក យាយ ម៉ៅ ជាប់និងផ្លូវជាតិលេខ៥ ស្ថិតក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង០៨និង៣០នាទីព្រឹក ថ្ងៃទី៣១ ខែធ្នូ ឆ្នាំ២០១៨ នេះ។
ក្រោមវត្តមាន លោកឧត្តមសេនីយ៍ត្រី អ៊ំ សុផល ស្នងការរងខេត្ត តំណាងដ៏ខ្ពង់ខ្ពស់ លោកឧត្តមសេនីយ៍ទោ អាត់ ខែម ស្នងការនគរបាល ខេត្តបន្ទាយមានជ័យ និងដោយ មានការចូលរួម ពីលោក សាន ស៊ានហូ អភិបាល នៃគណៈអភិបាល ក្រុងប៉ោយប៉ែត ព្រមទាំង មន្ត្រីសាលាក្រុង សង្កាត់ ភូមិ ឃុំ សមត្ថកិច្ចគ្រប់ជាន់ថ្នាក់ និងពុទ្ធបរិស័ទ អាជីវករ ក្នុងក្រុងប៉ោយប៉ែត ចូលរួម រាប់បាត្រ ជូនព្រះសង្ឃ ចំនួន៥៥អង្គ ក្នុងពិធីថ្ងៃនេះយ៉ាងច្រើនកុះកផងដែល។
លោក សាន ស៊ានហូ អភិបាល នៃគណៈអភិបាលក្រុងប៉ោយប៉ែត បានបួងសួង នូវវត្ថុសក្តិសិទ្ធ ក្នុងលោក សូមជួយតាមថែរក្សាបងប្អូនប្រជាពលរដ្ឋ រស់នៅក្រុងប៉ោយប៉ែតទាំងមូល ក៏ដូចជាបងប្អូន នៅក្នុងខេត្តបន្ទាយ មានជ័យ ទាំងអស់ សូមជួបតែសេចក្តីសុខ សប្បាយ ធ្វើដំណើរតាមផ្លូវ ប្រកបដោយសុវត្ថិភាព ក្នុងឱកាសឆ្លងឆ្នាំថ្មី ឆ្នាំសកល ២០១៩ ខាងមុខនេះ។
លោកបានបន្តទៀតថា៖ នៅថ្ងៃ៧មករា ខាងមុខនេះ បន្ទាប់ពីខេត្តបន្ទាយមានជ័យ ប្រារព្ធធ្វើ ពិធីនេះរួច លោកក៏មានគម្រោងបន្ត នៅថ្ងៃទី១៣ ខែមករា ឆ្នាំ២០១៩ និងមានធ្វើពិធី រាប់បាត្រ ថ្វាយព្រះសង្ឃចំនួន ៤០០ អង្គ ផងដែល៕
