ខេត្តកំពង់ចាម ៖ នៅព្រឹកថ្ងៃទី០៨ ខែវិច្ឆិកា ឆ្នាំ២០១៨ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំសហការីចូលរួមកម្មវិធីសំណេះ សំណាលសួរសុខទុក្ខក្មួយៗកុមារាកុមារី ពិការភ្នែក គ ថ្លង់ នៅវិទ្យាល័យ អប់រំពិសេសកំពង់ចាម ស្ថិតក្នុងភូមិ ទី០៦ សង្កាត់កំពង់ចាម ក្រុងកំពង់ចាម ខេត្តកំពង់ចាម។
អញ្ជើញចូលរួមក្នុងឨកាសនោះមានៈ លោកនាយក លោកគ្រូ អ្នកគ្រូចំនួន៣៤នាក់និងកុមារា កុមារី ពិការភ្នែក គ ថ្លង់ចំនួន១៦៥នាក់។
លោក ស្នងការអោយដឹងថា ក្មួយៗពិការមានការលំបាក ខុសពីមនុស្សដែលមានកាយសម្បទាគ្រប់គ្រាន់ ដើម្បីជួយសំរាលទុក្ខលំបាកទាំងនេះ លោក ស្នងការបាននាំសហការីចុះសួរសុខទុក្ខក្មួយៗនិងបានឧបត្ថមដល់សាលាចំនួន ៣០០ ដុល្លារ កុមារគរ ថ្លង់ ១៦៥ នាក់ ក្នុងម្នាក់ ៗ ៥០០០រៀល ឧបត្ថមទឹកក្រូច ២០កេះ ទឹកសុទ្ឋ០៥កេះ ជាថវិការផ្ទាល់របស់លោកឧត្តមសេនីយ៍ទោស្នងការ ។
ក្នុងនោះដែរក៏មានសប្បុរសជន ឧបត្ថម្ភភួយចំនួន ៨០ ទឹកសុទ្ឋចំនួន ៣០យួរ និង ឧបត្ថមថវិការដល់កុមាគ ថ្លង់ ចំនួន ១៦៥ នាក់ ម្នាក់ៗ ៥០០០រៀល សៀវភៅ ០៥ ក្បាល ប៊ិចខៀវ០២ ដើម ប៊ិចក្រហម០២ដើម នំប៉័ងបាកយុង ចំនួន ២៦០ ដើម។
ក្នុងកិច្ចប្រជុំសំណេះសំណាលនេះដែរ លោកស្នងការបានអប់រំ ពន្យល់ ក្មួយៗអោយ ជៀសវាង ពីគ្រឿងញៀន គោរពច្បាប់ចរាចរណ៍ ជៀសឆ្ងាយពីល្បែងស៊ីសង មិនធ្វើជាក្មេងទំនើង ត្រូវស្តាប់ដំបូន្មានប្រៀនប្រដៅរបស់ឪពុកម្តាយនិងលោកគ្រូអ្នកគ្រូនិងជាពិសេសត្រូវខិតខំយកចិត្តទុកដាក់ក្នុងកាសិក្សា។
អ សុផល
