(កំពង់ធំ)៖ នាថ្ងៃទី៩ ខែវិច្ឆិកា ឆ្នាំ២០២៤ លោកវរសេនីយ៍ឯក សន តាល់ អធិការនគរបាលស្រុកតាំងគោក បានដឹកនាំកម្លាំងជំនាញយុត្តិធម៌ចុះបង្ក្រាបទីតាំងល្បែងស៊ីសងខុសច្បាប់ (មាន់ជល់ផ្ទាល់ដី) នៅក្នុងព្រៃចំការស្វាយចន្ទី តំបន់អូរក្បាលហុង ចំងាយពីភូមិជីវភាពប្រហែល៦គីឡូម៉ែត្រ ស្ថិតក្នុងភូមិសាស្ត្រភូមិជីវភាព ឃុំអណ្តូងពោធិ៍ ស្រុកតាំងគោក ខេត្តកំពង់ធំ ។
ជាលទ្ធផលចាប់យកវត្ថុតាងរួមមាន៖ ម៉ូតូចំនួន២០គ្រឿង មាន់ជល់ចំនួន៥ក្បាល កញ្ចូតមាន់ចំនួន៥ កញ្ជក់បាំងមាន់ចំនួន១ ជញ្ជីងថ្លឹងមានចំនួន១ មួកចំនួន៥ ស្បែកជេីងចំនួន៩គូ ស្គត់រុំផ្លែមានសំរាប់ជល់ចំនួន៨ដុំធំស្មើនឹង៨៣ដុំតូច៕
