ក្រុងប៉ោយប៉ែត ៖ យប់ថ្ងៃពុធ ៦ កើត ខែកត្តិក ឆ្នាំរោង ឆស័ក ព.ស២៥៦៨ ត្រូវនិងថ្ងៃទី៦ ខែវិច្ឆិកា ឆ្នាំ២០២៤ កម្លាំងប្រចាំបញ្ជាក្នុងវេនទី០៣ នៃអធិការដ្ឋាននគរបាលក្រុងប៉ោយប៉ែត បានចូលរួមសហការជាមួយកម្លាំងប៉ុស្តិ៍រដ្ឋបាលអូរជ្រៅ និងកម្លាំងជំនាញចរាចរណ៍ បានដាក់គោលដៅត្រួតពិនិត្យ អាវុធគ្រឿងផ្ទុះ នៅចំណុច ការ៉ាសសាំង(សាំបុរី)ដែលស្ថិតនៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
កិច្ចសហប្រតិបត្តិការ ដាក់គោលដៅត្រួតពិនិត្យ អាវុធគ្រឿងផ្ទុះនេះដឹកនាំដោយ លោកវរសេនីយ៍ទោ នី គុណ្ណា ឋានៈ អធិការរង ដែលក្នុងនោះ ក្រុមកម្លាំងចម្រុះ បានធ្វើការត្រួតពិនិត្យលើ ៖
-រថយន្តតូចចំនួន៣៥គ្រឿង។
-ម៉ូតូកង់បី(ផាស់អាប់ចំនួន២០គ្រឿង។
-ម៉ូតូចំនួន៥០គ្រឿង។
ជាលទ្ធផល ពុំមានបទល្មើសអ្វីកើតឡើងគួរអោយកត់សម្គាល់នោះឡើយ៕
